پاكىستان پارلامەنتى بيلىكتەن قۋىلعان پرەمەر-مينيستر ناۆاز شاريفتىك ورنىنا جاڭا ۇكىمەت باسشىسىن سايلادى. ەلدىڭ جاڭا پرەمەر-مينيسترى بولىپ شاحيد حاكان ابباسي سايلاندى، دەپ جازادى Qamshy.kz اقپارات اگەنتتىگى.
ءابباسيدى ەلدىڭ ۇلتتىق اسسامبلەياسىنداعى 342 دەپۋتتاتىڭ 221ء-ى قولداعان. پاكىستان حالىق پارتياسىنان شىققان سايد ناۆيد 44 داۋىس جيناسا، «تەحريك-ي ينسااف» پارتياسىنان شىققان شەيح راشيد احماد 33 داۋىس جينادى.
شاحيد حاكان ابباس بۇرىنعى پرەمەر-مينيستر ناۆاز ءشاريفتىڭ جاقتاسى. بيلىكتەگى پارتيا ونى ۇكىمەت باسىنا ۋاقىتشا سايلادى. ال نەگىزى بيلىككە ناۆاز ءشاريفتىڭ ءىنىسى شاحباز شاريف كەلۋى مۇمكىن. ءقازىر ول پەندجاب پروۆينسياسىن باسقارىپ وتىر. دەگەنمەن جاڭا باسشى ۇكىمەت باسىنا بىرەۋگە ورىندى ساقتاپ وتىرۋ ءۇشىن ەمەس مەملەكەتتىك ماڭىزدى ىستەرمەن اينالىسۋ ءۇشىن كەلگەنىن اشىق ايتتى.
ايتا كەتەيىك، 28ء-شى شىلدەدە پاكىستاننىڭ جوعارعى سوتى پرەمەر-مينيستر ناۆاز ءشاريفتى جەمقورلىق ايىبىمەن بيلىكتەن الاستاتتى جانە ونىڭ وتباسى مۇشەلەرىنىڭ دە ۇستىنەن قىلمىستىق ءىس قوزعاعان.
پىكىر قالدىرۋ