9 قىركۇيەك كۇنى استانا قالاسىندا وتەتىن بوكس كەشىندە شارشى الاڭعا شىعاتىن قازاقستاندىق بوكسشى جانقوش تۇراروۆتىڭ قارسىلاسى بەلگىلى بولدى، دەپ حابارلايدى Qamshy.kz اقپارات اگەنتتىگى vesti.kz-كە سىلتەمە جاساي وتىرىپ.
قازاقستاندىق بوكسشىنىڭ قارسىلاسى ارگەنتينالىق برۋنو لەوناردو رومە بولادى. ول كاسىپقوي بوكس شارشى الاڭىندا 25 كەزدەسۋ وتكىزىپ، 21 كەزدەسۋىندە جەڭىسكە جەتكەن. سوڭعى رەت 29 جاستاعى ارگەنتينالىق بوكسشى شارشى الاڭعا 14 مامىر كۇنى شىعىپ، وتانداسى الەحاندرو كۋحورسكيدى نوكاۋتپەن جەڭگەن.
جانقوش تۇراروۆ بولسا كاسىپقوي بوكستا 21 كەزدەسۋ وتكىزىپ، بارلىعىندا جەڭىسكە جەتكەن. 15 كەزدەسۋىندە وتانداسىمىز قارسىلاسىن نوكاۋتقا تۇسىرگەن.
ايتا كەتەيىك، جانقوش تۇراروۆ پەن برۋنو لەوناردو رومە اراسىنداعى كەزدەسۋ 10 راۋندقا جوسپارلانىپ وتىر.
پىكىر قالدىرۋ