مەملەكەتتىك تەحنيكالىق قىزمەت اقپارات مينيسترلىگىنەن ۇلتتىق قاۋىپسىزدىك كوميتەتىنە بەرىلدى. مۇنداي قاۋلىعا ق ر ۇكىمەت باسشىسى باقىتجان ساعىنتايەۆ قول قويدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

اتالعان وزگەرىس ق ر ۇكىمەتىنىڭ 27 شىلدەدەگى №457 قاۋلىسىمەن كۇشىنە ەندى.

«ق ر اقپارات جانە كوممۋنيكاسيا مينيسترلىگىنىڭ شارۋاشىلىق باسقارۋداعى  «مەملەكەتتىك تەحنيكالىق قىزمەت» رەسپۋبليكالىق مەملەكەتتىك كاسىپورنىنىڭ اتاۋىن ق ر ۇلتتىق قاۋىپسىزدىك كوميتەتىنىڭ  شارۋاشىلىق باسقارۋداعى  «مەملەكەتتىك تەحنيكالىق قىزمەت» رەسپۋبليكالىق مەملەكەتتىك كاسىپورنى دەپ وزگەرتىلسىن»، - دەپ جازىلعان قاۋلىدا.

ق ر اكم مەن ق ر قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىنە ۇقك-گە ورتالىق باسقارۋ جوبالارىن جۇزەگە اسىرۋعا ارنالعان  تەلەكوممۋنيكاسيا جەلىلەرىن، ينتەرنەتكە كىرەتىن ءبىرىڭعاي ءشليۋزدى، كومپيۋتەرلىك وقىس وقيعالارعا جەدەل ارەكەت ەتۋ قىزمەتتەرىن، اقپاراتتىق جۇيەلەردىڭ مونيتورينگتىك ورتالىعىن وتكىزۋ تۋرالى تاپسىرما بەرىلدى.

اتالعان كاسىپورىن اقپاراتتاندىرۋ سالاسىندا، ەلەكتروندى قۇجاتتار مەن ەلەتكروندى سيفرلىك قولتاڭبا، بايلانىس، تەلەراديوحابار تاراتۋ سالاسىندا جۇمىس جاساپ كەلەدى.  

گۇلميرا ءعوسمانالي