ماڭعىستاۋ وبلىسىنا ەرالى توعجانوۆ اكىم بولىپ باردى دەگەندە ءبىر قۋانعانبىز. بۇگىن وبلىس اكىمى ەكى بىردەي ورىنباسارىن تاعايىندادى. ماڭعىستاۋ وبلىسى اكىمىنىڭ الەۋمەتتىك سالا بويىنشا ورىنباسارى بولىپ سقاقوۆ ماقسات نۇرلىبەك ۇلى تاعايىندالسا، وبلىسى اكىمىنىڭ تاعى ءبىر ورىنباسارى بولىپ ساكەيەۆ رۋسلان كەنەسارى ۇلى تاعايىندالدى.

ماقسات نۇرلىبەك ۇلى 1978 جىلى تۋعان. «مەملەكەتتىك جانە جەرگىلىكتى باسقارۋ» ماماندىقتارى بويىنشا بىتىرگەن. «بولاشاق» باعدارلاماسىمەن ءبىلىم العان. فيلوسوفيا جانە ەكونوميكا عىلىمدارىنىڭ دوكتورى. ەڭبەك جولىن 2000 جىلى ق ر ىشكى ىستەر ورگانىنان باستاپ، ق ر پرەزيدەنتىنىڭ كۇزەت قىزمەتىندە، ۇلتتىق قاۋىپسىزدىك كوميتەتىندە، ق ر مادەنيەت، ءبىلىم جانە عىلىم مينيسترلىكتەرىندە، ق ر پرەمەر-مينيسترىنىڭ كەڭەسشىسى، ق ر مادەنيەت جانە اقپارات  مينيسترلىگىنىڭ تىلدەر كوميتەتىنىڭ ءتوراعاسى قىزمەتىن اتقارعان. 2016 جىلدان باستاپ قازىرگى ۋاقىتقا دەيىن ق ر باس پروكۋرورىنىڭ ەرەكشە ماڭىزدى تاپسىرمالارى بويىنشا اعا كومەكشى قىزمەتىندە بولعان.

ماقسات نۇرلىبەك ۇلى ءبىر سالانىڭ باسىن عانا ۇستاپ، كابينەتىندە بۇيىعى كۇن كەشىرەتىن شەنەۋنىكتەردەن ەمەس. جانە ءبىر سالانىڭ عانا مامانى بولىپ قاتىپ قالعان جوق. «بولاشاق» باعدارلاماسىنىڭ جەمىسىن كورسەتكەن تۇلەكتەردىڭ ءبىرى بولدى. ول قازاق قوعامىنا تالايدان تانىس. ەلباسىنىڭ ءوزىن ءتانتى ەتكەن شەشەندىگى بار. تىلگە دەگەن جاناشىرلىعى بار. ول مەملەكەتتىڭ جوعارى باسقارۋ ورگاندارىنىڭ بارىندە دەرلىكتەي قىزمەت اتقاردى. ماسقات سقاقوۆ قازاق حالقىنىڭ بىرلىگى مەن تۇتاستىعىن ساقتاۋدىڭ ماڭىزدىلىعىن باسا ايتىپ جۇرگەن ازاماتتاردىڭ ءبىرى. ەل مەن ەلباسىنىڭ القاۋىنا بولەنگەن ازاماتتىڭ جاڭا قىزمەتىنە تەك قانا تابىس تىلەيمىز.

نۇرعالي نۇرتاي