اقش ازاماتتارىنا سولتۇستىك كورەياعا بارۋعا تىيىم سالدى. مەملەكەتتىك دەپارتامەنت مالىمدەمەسىنە سايكەس، تىيىم سالۋ تۋرالى زاڭ كۇشىنە 1 قىركۇيەك كۇنى ەنەدى، دەپ جازادى Qamshy.kz اقپارات اگەنتتىگى. كحدر اۋماعىندا جۇرگەن امەريكالىقتار سول ۋاقىتقا دەيىن ەلدەن كەتۋلەرى كەرەك.

امەريكا بيلىگى اتالمىش شەشىمدى قابىلداۋ بارىسىندا سولتۇستىك كورەياعا باراتىن امەريكالىق تۋريستەردىڭ «ۇزاق بوگەلۋ» ءقاۋپىن ەسكەرگەن. ال تىيىم سالۋ تۋرالى زاڭ جۋرناليستەر مەن گۋمانيتارلىق قىزمەتكەرلەرگە ارنالماعان.

ونىڭ ۇستىنە، مەملەكەتتىك دەپارتامەنت پحەنياننىڭ اقش اۋماعىنا دەيىن جەتەتىنىن كونتينەنت ارالىق بالليستيكالىق زىمىراندارىن سىناۋ بارىسىن دا ەسكەردى.

بۇگىندە سولتۇستىك كورەيا تۇرمەلەرىندە  امەريكانىڭ 3 ازاماتى تۇتقىندا وتىر – ەكى عالىم مەن ءدىن ۋاعىزداۋشى. ال وتتو ۆارمبيەر ەسىمدى امەريكالىق ستۋدەنت جالعان ايىپ تاعىلىپ سولتۇستىك كورەيادا 15 جىلعا ءماجبۇرلى ەڭبەككە تارتىلعان. ماۋسىمدا اۋىر حالدە اقش-قا جەتكىزىلدى، بىرنەشە كۇن وتكەن سوڭ قازا تاپتى. اۋىر حالگە ءتۇسۋىنىڭ سەبەبى بەلگىسىز.