بۇگىن الماتىلىقتار استانا كۇنىن اتاپ ءوتتى، دەپ حابارلايدى Qamshy.kz اقپارات اگەنتتىگى.

الماتىداعى رەسپۋبليكا الاڭىندا ەلوردا كۇنىنە وراي مەرەكەلىك كونسەرت قويىلدى. ساحناعا شىققان قازاقستاندىق ەسترادانىڭ جۇلدىزدارى ەكى ساعات ىشىندە  ونەر كورسەتتى. ولاردىڭ قاتارىندا ءجاميلا سەركەبايەۆا، «GS» گيتاراشىلار دۋەتى، زارينا وماروۆا، تۇرار راقىمبەرلين، جاننا ورىنباساروۆالار بولدى. الماتىلىقتاردى «Ligtbend»، «ايۋمي»، «ميستەريونس» توپتارى، سونداي-اق زيرۋزا، كەنتال جانە باسقا دا ونەرپازدار جينالعان قاۋىمدى ءتانتى ەتتى.

ونەر جۇلدىزدارى «استانا»، «قازاقستان»،  «استانا - الماتى»، «الماتىعا كەلىڭدەر»، «اينالايىن»، «كوڭىل اشار»، «تۋعان ەل»، «اسىل ءانىم»، «ءبارى تاماشا» جانە باسقا دا اندەردى شىرقادى.

«بىلتىر استانا كۇنىنە وراي وتكىزىلگەن كونسەرتكە بارا الماپ ەدىم. الايدا مەن الاڭعا كەلىپ، ادامداردىڭ ورتاق قۋانىشىن، مەرەكەلىك كوڭىل كۇيدى بولىسۋگە ءازىرمىن. وسى مەرەكەلىك كونسەرتتەن كەيىن وتباسىمىزدىڭ ورتاسىندا توي ءارى قاراي جالعاسادى»، - دەدى ليۋدميلا ناۋمەنكو.

سونىمەن قاتار، بۇل كۇنى جۇرتتى تاڭقالدىرىپ، ەلدىڭ ەسىندە قالعانى – الماتىلىق اسپازداردىڭ جاساعان 19 مەتر بولاتىن مەرەكەلىك تورتى بولدى.

الماتىلىق اسپازدار استانا كۇنىنە ارناپ ۇزىندىعى 19 مەتر بولاتىن تورت تارتۋ ەتتى. ءتاتتى سىيدىڭ سالماعى – 160 كەلى.

قالاداعى ورتالىق ساياباق بالالاردىڭ شىعارماشىلىق الەمىنە اينالعان. بۇلدىرشىندەر بورمەن اسفالت ۇستىنە باس قالانىڭ سۋرەتىن سالىپ، جارىستى. ءتۇرلى-تۇستى گۇل، كۇن، جۇرەك، استانانىڭ سيمۆولى – بايتەرەك بەينەلەرى بەيبىت زاماندا ءومىر ءسۇرىپ جاتقان بۇلدىرشىندەردىڭ الاڭسىز ءومىرىن بىلدىرەدى. مەرەكەدە اق تىلەكتەر دە اعىلدى.

مەرەكەلىك شارانىڭ ەرەكشە ەستە قالار ءساتى – ساياباقتاعى دەمالۋشىلارعا ۇزىندىعى 19 مەترلىك تورت ۇسىنىلۋى. استانانىڭ 19 جىلدىعىنا ارنالعان ءتاتتى سىيدىڭ سالماعى 160 كەلى. «مەرەكەلىك تورتتى پىسىرۋگە 2 كۇن كەتتى»، – دەيدى اسپازدار. ءتاتتى تاعامنان 1000-عا جۋىق ادام ءدام تاتتى.

ەسكە سالا كەتسەك، جىل سايىن ەلىمىزدە استانا كۇنى اتالىپ وتەدى. بۇكىل ەل اۋماعىندا بيىل 19 جىلدىعىن اتاپ ءوتىپ جاتقان ەلوردا كۇنىنە وراي مەرەكەلىك كونسەرتتەر قويىلادى.