الەم چەمپيونى گەنناديي گولوۆكين ESPN ارناسىنداعى A Los Golpes باعدارلاماسىندا ساۋل الۆارەستى  نوكاۋتقا تۇسىرگىسى كەلەتىنىن ايتتى دەپ حابارلايدى Qamshy.kz اقپارات اگەنتتىگى vesti.kz-كە سىلتەمە جاساي وتىرىپ.

«مەن كاسىپقوي بوكستاعى كارەرامنىڭ باسىنىن باستاپ-اق ورتا سالماقتا ونەر كورسەتىپ كەلەمىن. سوندىقتان دا بۇل سالماقتا مەنىڭ تاجىريبەم كوپ.  ال «كانەلو» بولسا ورتا سالماققا جۋىردا عانا اۋىستى. دەگەنمەن وسى سالماقتا وتكىزگەن سوڭعى كەزدەسۋلەرىن ول جاقسى وتكىزدى.  ءبىراق ماعان قارسى ونى مۇلدە باسقا جاعداي كۇتىپ تۇر. مەن ورتا سالماقتىڭ چەمپيونىمىن. سونىمەن قاتار «كانەلونىڭ» بۇرىنعى قارسىلاستارى سەكىلدى كىشكەنتاي ەمەسپىن. ءساۋلدىڭ سوڭعى قارسىلاسى كىشى چاۆەستى دە مىقتى دەۋگە كەلمەيدى. سەبەبى، ول مۇنداي ۇلكەن جەكپە-جەك وتكىزۋ ءۇشىن كوپ ۋاقىت جۇمسادى. ال مەن سوڭعى جىلدارى ۇنەمى چەمپيوندىق بەلبەۋىمدى قورعاپ ءجۇرمىن. 

«كانەلوعا» قارسى ناعىز چەمپيوندىق جەكپە-جەك بولادى. مەن بۇل كەزدەسۋدى نوكاۋتپەن جەڭگىم كەلەدى. 

مەنىڭ دجەيكوبسپەن وتكىزگەن كەزدەسۋىم تۋرالى اڭگىمە كوپ ايتىلىپ ءجۇر. ءبىراق ول كەزدەسۋدىڭ اڭگىمەسى ءبىر بولەك. ءيا، مەن ول كەزدەسۋدە كارەرامدا ءبىرىنشى رەت تورەشىلەردىڭ شەشىمى بويىنشا جەڭىسكە جەتتى. دەگەنمەن قازىرگى جاعداي مۇلدە بولەك. «كانەلو» وتە ءقاۋىپتى قارسىلاس. مەن ونى جەڭگىم كەلەدى. ويتكەنى، Golden Boy بۇل كەزدەسۋدى ۇيىمداستىرعىسى كەلمەدى. سوڭعى ەكى جىلدىڭ ىشىندە ءار-تۇرلى الىپ قاشپا اڭگىمەلەر بولدى. سول ءۇشىن دە مەن ءۇشىن  «كانەلوعا» قارسى وتەتىن كەزدەسۋ قىزىق تا بولماي قالعان ەدى. الايدا ءبىز جەكپە-جەكتى وتكىزۋ ءۇشىن كەلىسىمگە كەلدىك. ەندى مەن ونى نوكاۋتپەن جەڭىپ، چەمپيوندىق اتاقتارىمدى ۇزاق ۋاقىت ساقتاپ قالۋىم كەرەك»، - دەيدى گولوۆكين.