قازاۆتوجول" ۇق" اق وكىلدەرى الماتى وبلىسىنداعى "التىن وردا" بازارى ماڭىنداعى جولدى كەڭەيتۋ جۇمىستارىنا قاتىستى تۇسىنىك بەردى. ۇلتتىق كومپانياداعىلار جولدى كەڭەيتۋ جۇمىستارىنىڭ كەيىنگە قالدىرىلعانىن ايتتى، دەپ حابارلايدى Qamshy.kz اقپارات اگەنتتىگى.
"الماتى-بىشكەك اۆتوجولىنىڭ 16-20 شاقىرىمىنداعى جولعا قاتىستى جوباعا ەلەۋلى وزگەرىستەردىڭ ەنگىزىلۋىنە بايلانىستى بۇل جوبا ەكى كەزەڭگە ءبولىندى. ناتيجەسىندە جوبا قاراستىرىلىپ، الماتى جانە الماتى وبلىسى اكىمگىدىنىڭ ءپروفيلدى ۆەدومستۆولارى وسىعان قاتىستى شەشىم قابىلدايدى. قازىرگى جاعدايدى ەسكەرە وتىرىپ، جوبانىڭ ناقتى باعاسىن ءبىلۋ ءۇشىن جانە وعان قاتىستى قورىتىندى شەشىم قابىلداۋ ءۇشىن جوبانى "مەملەكەتتىك ساراپتاما" مەكەمەسىنە جولدادىق. سوندىقتان جوبانى قاراستىرۋعا ءبىراز ۋاقىت كەتەدى"، - دەدى قازاۆتوجول" ۇق" اق وكىلدەرى.
وسىلايشا، قۇرىلىس جۇمىستارى شامامەن 2017 جىلدىڭ جەلتوقسان ايىندا باستالادى.
سونداي-اق، كومپانيالاعىلار جوباعا تولىقتىرۋلار مەن وزگەرتۋلەر ەنگىزىلگەن كەزدە "اسىل ارمان" تۇرعىن ءۇي كەشەنىنىڭ ماڭىندا ەستاكادا سالىناتىنىن جانە رايىمبەك اۋىلىنىڭ ماڭىندا جەرۇستى جاياۋ وتپەلى جول سالۋ تۋرالى جوبانىڭ قوسىلعانىن ايتتى.
ەسكە سالا كەتەيىك، وسىعان دەيىن الماتىدا "التىن وردا" بازارىنىڭ الدىنداعى جولدى كەڭەيتۋ ءۇشىن ساۋدا ورىندارىنىڭ سۇرىلەتىنى جايلى ايتىلعان بولاتىن. ال "قازاۆتوجول" اق وكىلدەرى الماتى-بىشكەك اۆتوجولىنىڭ 16-20 شاقىرىمىندا ۇنەمى بولاتىن كەپتەلىسكە قاتىستى ماسەلەنى شەشۋ ءۇشىن "التىن وردا" مەن "بارلىق" ساۋدا ورتالىقتارى ماڭىنداعى جولدارعا ارنايى جوبا دايىندالعانىن ايتتى.
ال كەيىنىرەك "التىن وردا" بازارىنىڭ ماڭىنداعى جولدىڭ التى جولاقتى بولاتىنى حابارلانعان ەدى.
پىكىر قالدىرۋ