الەمدەگى ەڭ بيىك عيماراتتاردىڭ ءبىرى، دۋبايداعى Torch اتتى اسپان تىرەگەن 79 قاباتتى تۇرعىندارعا ارنالعان عيمارات ورتە وراندى، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ. بۇل جايىندا جەرگىلىكتى گازەت باسىلىمدارىندا ءمالىم بولدى.

پوليسيا وكىلىنىڭ ايتۋىنشا، ءورت 9-قاباتتان باستالىپ، باسقا قاباتتارعا جايىلعان. وقيعانىڭ كۋاگەرلەرى ءتۇسىرىپ العان ۆيدەولاردا عيماراتتىڭ جوعارعى جاعى ورتەنىپ جاتقاندىعى كورىنەدى.

ەستەرىڭىزگە سالا كەتسەك، 2015 جىلى دا بۇل عيماراتتان الاپات ءورت شىققان بولاتىن.

2011 جىلى The Torch دەگەن اتپەن اشىلعان 348 مەترلى اسپان تىرەگەن عيمارات الەمدەگى ەڭ بيىك بولىپ سانالعان ەدى. قازىرگى تاڭدا ول بەسىنشى ورىندا تۇر. اتالمىش عيمارات دۋبايدىڭ ەڭ كوركەم اۋداندارىنىڭ ءبىرى مارينادا ورنالاسقان، بۇل جەردە كوپتەگەن شەتەلدىكتەر تۇراقتايدى. ءورت 50-قاباتتا ورىن الىپ، قاتتى جەلدىڭ سالدارىنان 10 قاباتقا دەيىن جايىلعان. ءورتتى ءسوندىرۋ بارىسىندا عيماراتتىڭ تەك جوعارعى بولىگىن عانا ءسوندىرىپ قويماي، ودان ۇشقان سىنىقتاردى دا ءسوندىرىپ وتىرۋعا تۋرا كەلگەن.