ماسكەۋدىڭ سيمونوۆسك سوتى رەسەيلىك ساياساتكەر، وپپوزيسيونەر الەكسەي ناۆالنىيعا 300 مىڭ رۋبل كولەمىندە ايىپپۇل سالدى. ناۆالنىي 8،9 شىلدە كۇندەرى ماسكەۋدە  ميتينگ ۇيىمداستىرىپ ازاماتتارعا  پاراقشالار تاراتقىزعانى ءۇشىن ايىپتالدى دەپ حابارلايدى Qamshy.kz اقپارات اگەنتتىگى ريا نوۆوستي-گە سىلتەمە بەرىپ.

الەكسەي ناۆالنىي بۇرىندارى دا سانكسيالانباعان اكسيالاردى جۇرگىزگەنى ءۇشىن، پوليسەيلەرگە باعىنباعانى ءۇشىن، ميتينگ پەن شەرۋلەر ۇيىمداستىرعانى ءۇشىن اكىمشىلىك جاۋاپكەرشىلىككە تارتىلعان بولاتىن.

ماسەلەن، 2014 جىلى الەكسەي ناۆالنىي مەن ءىنىسى ولەگ ناۆالنىي «يۆ روشە» كومپانياسىنان 26 ميلليون رۋبل ۇرلادى دەپ ايىپتالىپ، الەكسەي 3،5 جىل شارتتى تۇردە جازاعا تارتىلسا، اعاسى 3،5 جىلعا باس بوستاندىعىنان ايىرىلعان.