سان-فرانسيسكونىڭ ەڭ ۇلكەن ساياباقتارىنىڭ بىرىندە بەلگىسىز ءبىر ەر ادام وق جاۋدىرىپ، ناتيجەسىندە ءۇش ادام جاراقات العان، دەپ حابارلايدى Qamshy.kz اقپارات اگەنتتىگى apnews.com سايتىنا سىلتەمە جاساپ.

قىلمىسكەر وقيعا ورنىنان ءىزىن سۋىتىپ ۇلگەرگەن، ءقازىر ونى پوليسيا قىزمەتكەرلەرى ىزدەستىرىپ جاتىر. جاراقات العانداردىڭ ءبىرى وتە اۋىر حالدە اۋرۋحاناعا تۇسكەن.

قالا ورتالىعىندا ورنالاسقان «دولورەس» ساياباعى جەرگىلىكتى تۇرعىندار مەن تۋريستەردىڭ وتە كوپ كەلەتىن مەكەنى بولىپ تابىلادى، كوپتەگەن ادامدار سول جەردە كۇنگە قىزدىرىلىپ، قالانىڭ سۇلۋلىعىنا تامسانا قاراپ وتىرا الادى.

وقيعا كۋاگەرلەرىنىڭ ايتۋىنشا، ساياباقتا جۇرگەندەردىڭ كوپشىلىگى مۇنى العاشىندا وت شاشۋ دەپ ويلاعان. كەيىننەن بىرەۋدىڭ وق اتىپ جۇرگەنىن بىلگەننەن سوڭ ادامدار دۇربەلەڭگە سالىپ، جان-جاققا قاشا باستاعان.