اقش پرەزيدەنتى دونالد ترامپ سايلاۋداعى جەڭىسىنە رەسەيدىڭ قاتىسى جوق ەكەنىن مالىمدەدى، دەپ جازادى Qamshy.kz اقپارات اگەنتتىگى. ب ا ق تاراتقان اقپاراتتارعا قاراماستان، اقش ادىلەت مينيسترلىگى سايلاۋ ناتيجەسىنە رەسەيدىڭ قاتىسى بار-جوعىن تەرگەۋ ءۇشىن قازىلار شاقىرعان.
«ءبىزدىڭ كامپانيادا بىردە-بىر ورىستىڭ بولاماعانى كوبىسىنە ءمالىم. مەنىڭ پرەزيدەنت بولعانىما رەسەيدىڭ قاتىسى جوق. ءبىز سىزدەردىڭ ارقالارىڭىزدا جەڭىسكە جەتتىك»، - دەدى ترامپ 3 تامىزدا باتىس ۆيردجينياعا ساپارى بارىسىندا. سونداي-اق ترامپ رەسەيمەن بايلانىستى وقيعالاردى ويدان شىعارىپ جۇرگەن بارلىق دەموكراتتاردى ايىپتادى.
ايتا كەتەيىك، بۇدان بۇرىن Wall Street Journal باسىلىمى جانە باسقا دا اقپارات اگەنتتىكتەرى روبەرت ميۋللەر ەسىمدى ارنايى پروكۋرور 2016 جىلى اقش-تا وتكەن پرەزيدەنتتىك سايلاۋعا رەسەيدىڭ قاتىسى بار-جوعىن انىقتاۋ ءۇشىن قازىلار شاقىراعانىن حابارلاعان.
سونداي-اق، ترامپ سايلاۋعا رەسەي قولداۋ كورسەتتى دەگەن وي «ءبىز ءۇشىن، مەملەكەتىمىز بەن كونستيتۋسيامىز ءۇشىن قورلاۋمەن تەڭ» دەدى.
پىكىر قالدىرۋ