قازاقستاندا مەديسينا ماماندارىنىڭ كاسىبي دايىندىعى كوڭىل كونشىتپەيدى. اسىرەسە، اۋىلدىق جەرلەردە مەديسينالىق قىزمەتتىڭ ساپاسى تومەن، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

ق ر دەنساۋلىق ساقتاۋ ۆيسە-مينيسترى لياززات اقتايەۆانىڭ ايتۋىنشا، بۇگىندە شەتەلدىڭ جوعارى وقۋ ورىندارىمەن بىرلەسە وتىرىپ، ەلىمىزدىڭ مەديسينالىق ءبىلىمىن جاڭعىرتۋ شارالارى قولعا الىنىپ وتىر. «وسىعان وراي، مەديسينالىق وقۋ ورىندارىنىڭ ستراتەگيالىق سەرىكتەستەرى انىقتالدى. قازىرگى كەزدە بەسجىلدىق دامۋ جوسپارى دايىندالىپ جاتىر. فينليانديانىڭ تاجىريبەسى نەگىزىندە باكالاۆريات بويىنشا مەدبيكەلىك ءبىلىمدى جاڭعىرتۋ شارالارى دا قولعا الىندى. بۇگىندە التى كوللەدجدە پيلوتتىق جوبا اياسىندا 320 ادام ءدارىس الۋدا»، – دەدى اقتايەۆا بۇگىن ۇكىمەتتە وتكەن باسپا ءسوز ءماسليحاتىندا. الايدا ءدارىس الىپ جاتقانداردىڭ بارلىعى بىردەي اۋىلعا بارمايدى. سەبەبى، ولاردى مىندەتتى تۇردە اۋىلدى جەرلەرگە جىبەرۋ قاراستىرىلماعان.  

ق ر دەنساۋلىق ساقتاۋ مينيسترلىگى جوبالاردى باسقارۋ دەپارتامەنتىنىڭ ديرەكتورى تيمۋر سۇلتانعازييەۆتىڭ سوزىنە قاراعاندا، جاڭا جۇيە بويىنشا ءبىلىم الىپ جاتقان ماماندار اۋىلعا بارا ما، جوق الدە، قالادا قالا ما، ونى وزدەرى شەشەدى. «نەگىزى، جەرگىلىكتى بيلىك، ياعني اكىمدىكتەر مەديسينالىق كوللەدجدەرمەن بايلانىس ورناتىپ، مامانداردى وزدەرىنە شاقىرا الادى. ءسويتىپ، اۋىلدىڭ مەديسيناسىن كوتەرۋگە مۇمكىندىك بار. سوسىن قازىرگى فين مودەلى بويىنشا قولعا الىنعان شارالار بولاشاقتا بارلىق رەسپۋبليكاعا تارالادى. دەمەك، ول تاجىريبە اۋىلعا دا جەتەدى»، – دەپ اتاپ كورسەتتى ت.سۇلتانعازييەۆ.