قازكوممەرسبانك كليەنتتەرى 18 تامىزدان باستاپ، ءوزىنىڭ تولەم كارتالارىن cash-in قىزمەتى بار Halyk Bank بانكوماتتارىنان تەڭگەمەن جانە اقش دوللارىمەن تولىقتىرا الادى. وسى وپەراسيانى ورىنداۋ كەزىندە Qazkom كارتاسىن ۇستاۋشىلاردان ەش كوميسسيا الىنبايدى دەپ حابارلايدى Qamshy.kz اقپارات اگەنتتىگى «كازكوممەرسبانك» اق باسپا ءسوز قىزمەتىنە سىلتەمە جاساپ.  

مۇنداي قىزمەت 1 تامىزدان باستاپ، Halyk Bank كليەنتتەرى ءۇشىن دە Qazkom بانكوماتتارىندا قولجەتىمدى بولعان. ەندى ەكى بانك كليەنتتەرى ءۇشىن Halyk+Qazkom بانكوماتتار جەلىسىنەن كارتالىق شوتتى تولىقتىرۋدا ەش ايىرماشىلىق جوق.

جۋىق ارادا ءبىرىڭعاي بانكوماتتىق جەلىدە وسى شارت بويىنشا اۋدارىمداردى ورىنداۋ جانە كارتاسىز شوتتى تولىقتىرۋ قىزمەتتەرى دە قولجەتىمدى بولماق.

2017 جىلعى 1 شىلدەگە Halyk Bankء-تىڭ 559 بانكوماتىندا cash-in قىزمەتى ورناتىلعان، ال Qazkom-دا قولما-قول اقشانى قابىلدايتىن 465 قۇرىلعى بار. Qazkom+Halyk بانكوماتتاردىڭ بىرىكتىرىلگەن جەلىسىندە قازاقستان بويىنشا 4659 بانكومات بار، سونىمەن ەلدەگى ءار ەكىنشى بانكومات Halyk+Qazkom جەلىسىنە تيەسىلى.

2017 جىلعى 1 تامىزداعى جاعداي بويىنشا Qazkom-مەن شىعارىلعان تولەم كارتالاردىڭ سانى 2،6 ملن. ارتىق دانانى قۇرايدى ەكەن.