كەشە كەشكىسىن استانا EXPO-2017 كورمەسىنىڭ اۋماعىندا كەۋدەنى جەردەن كوتەرۋدەن كينەس قازاقستان رەكوردتار كىتابىنىڭ بەس دۇركىن رەكوردسمەنى جانە "پلانكا" ۇستاۋدان الەم رەكوردسمەنى اتاعىنىڭ يەگەرى امير ماxمەت شىنى بوتەلكەلەردە كەۋدەسىن جەردەن 53 مارتە كوتەرىپ، جاڭا الەمدىك رەكورد ورناتتى دەپ حابارلايدى Qamshy.kz اقپارات اگەنتتىگى ەكسپو-2017 كورمەسىنىڭ مەديا-ورتالىعىنا سىلتەمە جاساپ.
ءبىر اتاپ وتەرلىگى، بۇل جاتتىعۋ ورىندالۋ جاعىنان اسا كۇردەلى بولىپ تابىلادى. سەبەبى سپورتشى كەۋدەنى جەردەن كوتەرۋ بارىسىندا ءوز دەنەسى مەن شىنى بوتەلكەلەردىڭ اراسىنداعى تەپە-تەڭدىكتى مۇلتىكسىز ۇستاپ تۇرۋى قاجەت.
اتالعان رەكورد قازاقستان رەكوردتار كىتابىنىڭ وكىلى شىڭعىس قۋاندىق ۇلى قۇدايبەرگەنوۆتىڭ تاراپىنان رەسمي تۇردە تىركەلدى.
ءوز رەكوردىن امير 1-قىركۇيەك – ءبىلىم كۇنىنە ارناي وتىرىپ، قازاقستاندىق بارلىق وقۋشىلارعا ساباقتارىن تەك ۇزدىك وقىپ، سالاۋاتتى ءومىر سالتىن ۇستانۋعا شاقىرادى.
P.S.: امير تانىمال بالۋان قاجىمۇقان مۇڭايتپاس ۇلىنىڭ تۋعان جەرى اقمولا وبلىسى، سەلينوگراد اۋدانىنا قاراستى قاجىمۇقان اۋىلىندا تۇرادى جانە جەرگىلىكتى مەكتەپتە ءبىلىم الۋدا.
پىكىر قالدىرۋ