ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ بارشا قازاقستاندىقتاردى قاسيەتتى قۇربان ايت مەرەكەسىمەن قۇتتىقتادى دەپ حابارلايدى Qamshy.kz اقپارات اگەنتتىگى ءدىن ىستەرى جانە ازاماتتىق قوعام مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.

"قۇرمەتتى قازاقستاندىقتار! 

بارشالارىڭىزدى قۇربان ايت مەرەكەسىمەن قۇتتىقتايمىن!

بۇگىنگى تاڭدا قۇربان ايت مەيرامىن تويلاۋدىڭ ۇلتتىق ەرەكشەلىكتەرىمىزگە ساي فورماتى قالىپتاسىپ، وسىناۋ قاستەرلى مەرەكە قازاقستان حالقىنىڭ بىرلىگىن، كونفەسسيالار اراسىنداعى ءوزارا تۇسىنىستىكتى نىعايتۋعا ىقپال ەتىپ كەلەدى.

كوپكونفەسسيالى ەلىمىزدە ءوزارا تاتۋلىق پەن قايرىمدىلىقتىڭ كورىنىسى بولعان بۇل مەرەكە، تەك مۇسىلماندارعا عانا ەمەس، بارلىق ادامزات بالاسىنا قايىرىمدىلىق جاساۋعا شاقىرادى.

جاعدايى جەتكەندەردىڭ قۇربان شالىپ، ونىڭ ەتىن تۇرمىسى تومەندەرگە تاراتۋى – حالقىمىز اراسىندا اۋىزبىرشىلىك پەن تاتۋلىقتىڭ، ادامداردىڭ الەۋمەتتىك جاعدايىنا قاراماستان بىر-بىرلەرىمەن قۇشاق جايا ارالاسۋىنا مۇمكىندىك تۋعىزادى.

قۇربان ايت كۇندەرىندە ادامدار ءبىر-بىرىن قۇتتىقتاپ، ءبىر-بىرىنىڭ ۇيىنەن داستارقاننان ءدام تاتادى، بۇل كۇنى ادەتتە مۇسىلماننىڭ ۇيىندە داستارقان جايىلادى.

ادام بالاسىنىڭ باقىتتى، تىنىش ءومىرىن تەك ماتەريالدى يگىلىكتەر عانا قۇرامايدى. باياندى باقىتقا جەتۋدە رۋحاني نەگىزدەردىڭ ماڭىزدى ورىن الاتىنى ءسوزسىز.

ءداستۇرلى ءدىنىمىزدىڭ جاسامپاز الەۋەتى رۋحاني-ونەگەلىك قۇندىلىقتاردى دامىتۋعا جانە وتانسۇيگىشتىك رۋحىنا نەگىزدەلە وتىرىپ، قوعامداعى تاتۋلىق پەن كونفەسسياارالىق كەلىسىمدى وركەندەتۋگە ودان ءارى قىزمەت ەتە بەرەدى دەپ سەنەمىن.

بۇگىنگى قۇربان ايت مەرەكەسى رۋحاني سەرپىلىسىمىزگە سەبەپكەر بولىپ، ءاربىر شاڭىراققا قۇت-بەرەكە اكەلسىن.

بارشا قازاقستاندىقتارعا زور دەنساۋلىق، بەرەكە، باقىت جانە مول تابىس تىلەيمىن! ايت قابىل بولسىن!" – دەيدى مينيستر نۇرلان ەرمەكبايەۆ.