امەريكا باسشىسى دونالد ترامپ الەمدەگى كوشباسشىلارمەن 18 قىركۇيەك كۇنى نيۋ-يورك قالاسىندا كەزدەسۋ وتكىزىپ، بۇۇ رەفورماسىنا قاتىستى ءبىرقاتار ماسەلەلەردى تالقىلاماق دەپ حابارلايدى Qamshy.kz اقپارات اگەنتتىگى رەيتەر سايتىنا سىلتەمە جاساپ.

اگەنتتىكتىڭ حابارلاۋىنشا، ءار ەلدىڭ باسشىلارى بۇۇ-نىڭ باس حاتشىسى انتوني گۋتەررەشتىڭ «ءتيىمدى رەفورمالاردى باستاۋ» دەكلاراسياسىنا كەلىسىم بەرىپ، قول قويعاننان كەيىن بارىپ 18 قىركۇيەكتە بولاتىن كەزدەسۋگە شاقىرتۋ الادى ەكەن.

«گۋمانيتارلىق كومەك كورسەتۋ، بەيبىتشىلىك باستامالارىن دامىتۋ جانە قورعاۋ جونىندەگى جۇمىستاردى جاقسى ۇيلەستىرۋ ءۇشىن ءبىز باس حاتشىنىڭ بۇۇ رەفورمالارىنا ەنگىزگەلى جاتقان وزگەرىستەرىن قۇپ كورىپ، قولدايمىز»، – دەلىنگەن دەكلاراسيا جوباسىندا.

ەستەرىڭىزگە سالا كەتەر بولساق، اقش پرەزيدەنتى قىركۇيەك ايىندا بۇۇ-نىڭ جالپى جينالىسىندا ءسوز سويلەيدى دەگەن بولاتىن.

19 قىركۇيەكتە بۇۇ شتاب كۆارتيراسىندا 72ء-شى جالپى جينالىس سالتاناتتى تۇردە اشىلادى.