بۇگىن وقۋشىلار ءبىلىم كۇنىن اتاپ وتۋدە. بيىل 2،9 ملن. استام وقۋشى مەكتەپكە باردى دەپ حابارلايدى Qamshy.kz اقپارات اگەنتتىگى. 

جەرگىلىكتى اتقارۋشى ورگانداردىڭ 2017 جىلعى 1 تامىزداعى جەدەل اقپاراتى بويىنشا رەسپۋبليكادا 9844 (2016ج. – 9410 بىرلىك) مەكتەپكە دەيىنگى ۇيىم (ءوسۋ+434 بىرلىك) جۇمىس ىستەيدى.

قۇرامى 859،7 مىڭ بالادان تۇرادى (2016ج. – 836،9 مىڭ ادام)، ونىڭ ىشىندە 7053 (2016ج. – 7074 بىرلىك) مەملەكەتتىك جانە 2791 (2016ج. – 233 6ىرلىك) جەكەمەنشىك.

كۇردەلى جوندەۋ جۇرگىزۋدى 247 مەكتەپكە دەيىنگى ۇيىم قاجەت ەتەدى، ونىڭ 56-دا جوندەۋ جۇرگىزۋ: ونىڭ ىشىندە تۇرلەرى بويىنشا: 6 – شاتىر، 50 – جالپى قۇرىلىس جۇمىستارى قاراستىرىلۋدا.

17 بالاباقشادا كۇردەلى جوندەۋ جۇرگىزۋ اياقتالدى. قالعان بالاباقشالاردا اياقتالۋ پروسەسى 70-80% قۇرايدى جانە اعىمداعى جىلدىڭ 20-25 تامىزىنا تولىق اياقتاۋ جوسپارلانۋدا.

بۇگىنگى كۇنى جەرگىلىكتى بيۋدجەت ەسەبىنەن 1 ملرد. 657 ملن. 900 مىڭ. تەڭگە سوماسىنا 1619 (93،0%) بالاباقشادا اعىمداعى جوندەۋ جۇرگىزىلدى.

ماڭعىستاۋ وبلىسى جاڭاوزەن قالاسىنداعى 320 ورىندىق بالاباقشانىڭ قۇرىلىسى اياقتالدى. شىعىس قازاقستان وبلىسى ريددەر قالاسىندا 280 ورىندى بالاباقشانى ىسكە قوسۋ مەرزىمى – 2017 جىلدىڭ تامىزى. وبەكتىنىڭ دايىندىعى – 100%. قۇرىلىستىق-مونتاجدىق جۇمىستار اياقتالدى، وبەكتىنى پايدالانۋعا بەرۋ اكتىسىن قابىلداۋ كەلىسىمدە.