بۇگىندە سۇراق قويىپ، قازاقشا جاۋاپ الۋعا مۇمكىندىك بەرەتىن ۆەب-سەرۆيستىك سايت، قازاق تىلىندەگى ەڭ تابىستى مەديا ستارتاپ «ءبارى بار» سايتىنىڭ قۇرىلعانىنا 7 جىل تولدى، دەپ جازادى Qamshy.kz اقپارات اگەنتتىگى. 

سايتتى ەربول سەرىكباي جالعىز ءوزى ىسكە قوسقان. ال سايتتىڭ جۇمىس ىستەۋ ءپرينسيپىنىڭ  ەرەكشەلىگىنە توقتالار بولساق، بۇل جەردە قويىلعان سۇراقتارعا كومپيۋتەر ەمەس، سايت قولدانۋشىلارى جاۋاپ بەرەدى. قولدانۋشىلار قالاعان سۇراعىن قويادى، جاۋاپ تا بەرەدى ءتىپتى بەرىلگەن جاۋاپقا بايلانىستى ءوز ويىن بىلدىرە الادى.

سايتتىڭ تاريحىنا ۇڭىلەر بولساق، سايت باستاپقىدا Surak-zhauap.kz دەگەن اتاۋمەن شىقسا، ارتىنشا szh.kz دەپ وزگەرتىلدى. 2016 جىلى سايتقا جاڭالىقتار ءبولىمى ەنگىزىلدى. ال 2017 جىلى سايتتىڭ اتاۋى baribar.kz دەپ وزگەرتىلدى.

بۇگىنگى تاڭدا قولدانۋشىلار اراسىندا  سايت ۇلكەن سۇرانىسقا يە. Zero.kz قازاقستاندىق سايتتار رەيتينگىسى بويىنشا ۇزدىك بەستىكتىڭ ىشىندە تۇر.