بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر پرەمەر-مينيسترى باقىتجان ساعىنتايەۆ «قازمۇنايگاز» ۆيسە-پرەزيدەنتى دانيار بەرلىبايەۆتى قىزمەتىنەن بوساتتى، دەپ Qamshy.kz اقپارات اگەنتتىگى قازاقپاراتقا سىلتەمە جاساپ  حابارلايدى.

ۇكىمەت باسشىسى ۇلتتىق كومپانيا ۆيسە-پرەزيدەنتى ەلدەگى بەنزينگە قاتىستى احۋالدى رەتتەۋدە ءوزىنىڭ مىندەتىن ورىنداي الماعاندىعىن باسا ايتتى. «پرەمەر-مينيستر جانە «سامۇرىق-قازىنا» ۇك» اق ديرەكتورلار كەڭەسىنىڭ ءتوراعاسى رەتىندە ءوز مىندەتىن ءتيىستى دەڭگەيدە ورىنداي الماعان «قازمۇنايگاز» باسقارماسى ءتوراعاسىنا سوگىس تۇرىندەگى ءتارتىپتى جازانى بەلگىلەۋ بويىنشا شارالاردى بەلگىلەنگەن تارتىپپەن قابىلداۋدى تاپسىرامىن. سونىمەن قاتار ءوز مىندەتىن ءتيىستى دەڭگەيدە ورىنداي الماعان «قازمۇنايگاز» ۇك» باسقارماسى ءتوراعاسىنىڭ ورىنباسارى دانيار بەرلىبايەۆتىڭ وكىلەتتىگىن توقتاتۋ تۋرالى شەشىم قابىلداۋ قاجەت»، - دەدى باقىتجان ساعىنتايەۆ.