بلوگەر سادىق شەرىمبەك ءوزىنىڭ Facebook پاراقشاسىندا پرەزيدەنتكە ۇسىنىلعان لاتىن قارپىنە بايلانىستى پىكىرىن جازدى، دەپ حابارلاديى Qamshy.kz اقپارات اگەنتتىگى.
"قازاق ءتىلىنىڭ لاتىن الىپپەسىنە كوشۋىن بارىنشا قالايتىننىڭ ءبىرى مەنمىن. وتكەندە مينيسترلىكتىڭ، ءتىل كوميتەتىنىڭ قىزمەتكەرلەرىنە رەسمي رەليز شىققانشا ەشتەڭە جازبايمىن دەپ ايتىپ ەدىم. ال، بۇگىن شىققان ەكەن، دەمەك وسىعان 5 تيىنىمدى قوسىپ، ىنىلىك ءسوزىمدى ايتسام ەشكىم رەنجىمەس، ەندى.
وسىدان ءبىر ايعا جۋىق ۋاقىت بۇرىن استانا قالاسىندا ءتىل كوميتەتىنىڭ جابىق وتىرىسى ءوتتى. بارعان كەزدە، ونىڭ جابىق فورماتقا وتەتىنىن ايتقان مينيسترلىكتىڭ ماماندارى ءتىپتى، حابار ارناسىن تۇسىرتكىزبەي قايتارىپ جىبەرگەندەرىن ايتتى. ءبىراق، مەن ءوزىمنىڭ بلوگگەر ەمەس، IT سالاسىنىڭ مامانى ەكەندىگىمدى ايتىپ، جابىق وتىرىسقا كىرۋگە مۇمكىندىك الدىم. البەتتە، الەۋمەتتىك جەلىگە رەسمي رەليز شىققانشا ەشتەڭە جازباۋعا ءسوز بەردىم. كونفەرەنس زالعا كىرىپ، ءبىر بۇرىشقا جايعاستىم. جابىق وتىرىسقا كەلىپ وتىرعانداردىڭ 90 پايىزى جاستارى +60 اقساقالدار ەدى. ەلىمىزدەگى ءتىل بىلىمىنە ۇلەس قوسقان كوپتەگەن عالىم اتالاردىڭ جينالعان وتىرىسىندا، ءوزىم عانا ەشكىمگە كەدەرگى كەلتىرمەي وتىردىم. ءبىر كەزدە وتىرىس تا باستالدى. اراسىندا ءجونى ءتۇزۋ اڭگىمە ايتقاندار بولمادى ەمەس. ءبىراق، ءبىرازى تىڭدالمادى دا. جۇيەلى ايتىلمادى دا. ءبىر كەزدە وتىرعان اقساقالدار ءبىر-بىرىن ماقتاپ جونەلمەسى بار ما؟!
- بۇل پالەنشە اعامىز كەڭەس ۇكىمەتى كەزىنەن بەرى قازاقتىڭ ماڭدايىنا بىتكەن بىردەن ءبىر فونەتيك عالىم عوي. ول كىسى بۇل ماسەلەدە قاتەلەسۋى تىپتەن مۇمكىن ەمەس! - دەپ قويىپ قالدى.
- بۇل الىپپەمىزدى جاس ۇرپاق كەمى 300 جىل قولداناتىن بولادى! - دەدى وپتيميزمگە تولى ەكىنشى اقساقال.
وششم، ول جەردەگى اڭگىمەلەردىڭ پريمەرنو لەگى وسىنداي بولدى. ءبىر ساتتە ول جەردەگى جينالىپ، لاتىن نۇسقانى قولداعالى وتىرعان كىسىلەردىڭ كوبىسى جالپىحالىقتىق اۋرادان مۇلدەم حابارلارى جوقتاي كورىندى. بىرنارسە انىق ەدى. ول جەردەگى ءبىزدىڭ بولاشاق لاتىن نۇسقامىزدى تاڭداۋعا كەلگەن كىسىلەردىڭ جارتىسىنان كوبىسى ءالى كۇنگە دەيىن ءتىپتى كومپيۋتەر قولدانبايتىن، الىگە دەيىن قولمەن جازاتىن كىسىلەر ەكەنىن ءتۇسىندىم. ول كىسىلەردىڭ ارى كەتكەن 10-20 جىلدارى قالعان بولار. ەندەشە، وزدەرى قابىلداعالى وتىرعان لاتىندى بولاشاقتا قولداناتىندارىنا دا كۇمانداندىم، وششم.
سونىمەن، وتىرىستىڭ 15 مينۋتىندا توردە وتىرعان ءتوراعا قايتا-قايتا قىزدارعا كوزىمەن نۇقىپ، مەنى كەزدەسۋدەن شىعارىپ تاستاۋدى بۇيىرىپ وتىردى. ءۇش رەت قاسىما كەلگەن قىز ءارتۇرلى سىلتاۋ ايتىپ مەنى شىعارىپ جىبەرۋگە تىرىستى. ۇشىنشىسىندە، ءوزىم الگى جەرگە ايتىلىپ جاتقان ابسۋردتاردى تىڭداۋعا قۇلاعىم زورلانعان كۇيى كەزدەسۋدەن شىعىپ كەتتىم. كەرىسىنشە، بۇل ماسەلەنى بولاشاقتا بەلسەندى قولداناتىن عىلىمداعى جاستارمەن اقىلداسا وتىرىپ جاساۋدىڭ ورنىنا الىگە دەيىن باياعى "حوموسوۆەتيكۋس" تانىمىمەن ويلانىپ، شەشىم قابىلداپ جاتقان ەل اعالارىنا وكپەم قارا قازانداي بولدى، شىنى كەرەك.
ۋا، اعالار! تاعى دا قايتالاپ ايتامىن! جاستار سىزدەردىڭ نۇسقالارىڭىزدى قولدانبايدى! ويتكەنى، ونى وزدەرىڭىز دە قولدانبايسىزدار! تەحنولوگيانىڭ ءيىسى مۇرىندارىڭىزعا بارماي تۇرىپ، لاتىننىڭ ەلدىڭ تەحنولوگياسىنىڭ دامۋىنا ۇلەسى تۋرالى ءسوز ايتۋ سىزدەر تاراپتان بارىپ تۇرعان قىپ-قىزىل ابسۋرد دۇنيە! پرەزيدەنتكە بۇگىنگى نۇسقانى تانىستىرۋدىڭ ءوزى ۇيات دەپ بىلەمىن! سەنبەسەڭىزدەر، وسى نۇسقالارىڭىزبەن قازاقشا ەكى سويلەم جازىپ كورىڭىزدەرشى! كلاۆياتۋرا اۋىستىرا بەرىپ، قول اۋىرىپ كەتەدى. سىزدەر ونى بىلمەيسىزدەر. ويتكەنى، تەلەفوندا جازاتىندارىڭىزعا كۇمانىم بار. اقىلعا كەلىپ، جاستاردىڭ اقىلدارىن دا تىڭداپ، ساناسۋعا شاقىرامىن! ونسىز دا جاعدايلارىڭىز ساەبيز ءھام اەبيش بولىپ جاتىر. قازاق ءۇشىن جاساعان ەڭبەكتەرىڭىز از ەمەس. ەندەشە سونشا ەڭبەكتىڭ نۇكتەسىن ادەمى قويىپ، ابىرويمەن زەينەتكە كەتكىلەرىڭىز كەلسە، ءدال وسى لاتىن ماسەلەسىن جاستاردىڭ، جاس عالىمداردىڭ وزىنە قالدىرىڭىزدار! ويتكەنى، بولاشاق قازاق لاتىن الىپپەسىنىڭ يەسى ءبىز، جاستار! وزىمىزگە نە كەرەگىن جاقسى بىلەمىز! "كەڭەسىپ پىشىلگەن تون كەلتە بولماس" دەيدى. جابىق وتىرىستا كەڭەسىپ جاتقاندارىڭىز دۇرىس-اق. ءبىراق، بۇل تىلدە تەك سىزدەر سويلەپ ءھام جازىپ جاتقان جوقسىزدار. سوندىقتان، اعا بۋىن وز-وزدەرىمەن كەڭەسە بەرمەي، وسىنى قولدانار بارشا بەلسەندى بۋىنمەن تەڭ كەڭەسكەنى قۇبا-قۇپ بولار ەدى".
