اقش-تىڭ بۇرىنعى پرەزيدەنتى دجيممي كارتەر سولتۇستىك كورەياعا بارىپ، ەل باسشىسى كيم چەن ىنمەن كەزدەسۋدى جوسپارلادى، دەپ جازادى Qamshy.kz اقپارات اگەنتتىگى.

1994 جىلى باسشىلىقتا كارتەر بولعان ۋاقىتتا اقش پەن كحدر اراسىندا العاشقى يادرولىق داعدارىستان شىعاتىن جەنيەۆا كەلىسىمىنە قول قويىلعان.

«دجيممي كارتەر سولتۇستىك كورەيانىڭ باسشىلىعىمەن كەزدەسۋدى قالايدى»، - دەپ كەلتىردى «چۋنان يلبو» گازەتى كارتەرمەن كەزدەسكەن دجوردجيا شتاتى ۋنيۆەرسيتەتىنىڭ پروفەسسورى پاك حان سيكتىڭ ايتقانىن.

ايتا كەتۋ كەرەك، 1950-1953 جج. كورەي سوعىسىنداعى كەلىسىمگە قول قويىلعاننان كەيىن بۇگىندە كحدر مەن اقش-تىڭ اراسى شيەلەنىسىپ تۇر. سوڭعى ۋاقىتتا ۆاشينگتون مەن پحەنيان اراسىنداعى قاقتىعىستىڭ شيەلەنىسۋىنە كحدر-دىڭ يادرولىق زەرتتەۋلەردى توقتاتۋدان باس تارتقانى سەبەپ بولدى.