2017 جىلى 27 قازاندا الماتى قالاسى قوعامدىق دەنساۋلىق ساقتاۋ دەپارتامەنتى باسشىسى بيزنەس-قوعامداستىقتارمەن، سالالىق اسسوسياسيالارمەن، «اتامەكەن» ۇلتتىق كاسىپكەرلەر پالاتاسى دەنساۋلىق ساقتاۋ سەكتورى، جەرگىلىكتى اتقارۋشى ورگاندار جانە «نۇر وتان» پارتياسى وكىلدەرىمەن كەزدەسۋ وتكىزدى، دەپ حابارلايدى Qamshy.kz اقپارات اگەنتتىگىنىڭ ءتىلشىسى. پرەسس-كونفەرەنسيا بارىسىندا سانيتارلىق-ەپيدەميولوگيالىق سالاسىنداعى بيزنەسكە قويىلاتىن كەدەرگىلەردى ازايتۋ جانە مەديسينالىق قىزمەت ساپاسىن كورسەتۋ ماسەلەلەرى قارالدى.

الماتى قالاسى قوعامدىق دەنساۋلىق ساقتاۋ دەپارتامەنتىنىڭ باسشىسى مولداعاسىموۆا ا.ب. بۇگىنگى تاڭداعى مەديسينالىق قىزمەت كورسەتۋدىڭ ساپاسىنا، جەتىستىكتەرى مەن كەمشىلىكتەرىنە توقتالىپ ءوتتى.

مولداعاسىموۆانىڭ ايتۋىنشا، 6 سانيتارلىق ەرەجە قارالىپ، سانيتارلىق-ەپيدەميولوگيالىق تالاپتار وڭتايلاندىرىلدى. سونداي-اق 29-عا جۋىق ەسكىرگەن ءارى قايتالاما سانيتارلىق ەرەجەلەر الىنىپ تاستالدى.

بۇدان وزگە، تاۋەكەلگە نەگىزدەلگەن قاداعالاۋ ۇلگىسىن ەنگىزۋ ارقىلى تاۋەكەل دارەجەسىن باعالاۋ كريتەرييلەرى ازىرلەنىپ، بەكىتىلدى. بىرنەشە سىلتەمەلىك نورمانىڭ ورنىنا  41 تەكسەرىلگەن پاراق ازىرلەنىپ، بەكىتىلدى.

«تەكسەرىلگەن پاراقتاردان سانيتارلىق تالاپتار قىسقارتىلدى. باقىلاناتىن وبەكتىلەردىڭ ءتىزىمى قايتا قارالدى. دەنساۋلىق ساقتاۋ جانە ءبىلىم بەرۋ مەكەمەلەرىنە قولدانىلاتىن قۇرىلىستىق كودەكستەر مەن ەرەجەلەر قايتا قارالدى جانە بەلگىلى ءبىر دارەجەدە جەتىلدىرىلدى»، - دەدى الماتى قالاسى قوعامدىق دەنساۋلىق ساقتاۋ دەپارتامەنتىنىڭ باسشىسى.

سونداي-اق الماتى قالاسى قوعامدىق دەنساۋلىق ساقتاۋ دەپارتامەنتىنىڭ باسشىسى ايزات مولداعاسىموۆا قوعامدىق تاماقتاندىرۋ وبەكتىلەرىنىڭ قىزمەتىن توقتاتۋ ءۇشىن قوعامدىق دەنساۋلىق ساقتاۋ دەپارتامەنتىنىڭ وكىلەتتىلىگى جوق ەكەنىن ءمالىم ەتتى.

«وندىرىستىك دۇكەندەر، كافەلەر جانە ت.ب. قىزمەت ورىندارىن توقتاتۋ ءۇشىن سوت شەشىمدەرىن ەشكىم جانە ەشتەڭە قامتاماسىز ەتپەيدى. كاسىپورىندار جۇمىسىن جالعاستىرادى، سوت ورىنداۋشىلارى جەتكىلىكتى تۇردە بەلسەندى ارەكەت ەتپەيدى»، - دەدى مولداعاسىموۆا.

وسىعان قاتىستى بىرنەشە مىسالدار كەلتىرىپ ءوتتى.

«تۇرعىن ءۇيدىڭ استىڭعى قاباتىندا نان سەحى جۇمىس ىستەگەن، تۇرعىنداردان ارىز ءتۇستى. ءبىزدىڭ تەكسەرىسىمىزدەن سوڭ سوت وتىرىسى بولدى، قىزمەتتى توقتاتۋ جونىندە شەشىم قابىلداندى. الايدا سەح ءوز جۇمىسىن جالعاستىرىپ جاتىر. كافەنىڭ ونىمىنەن 29 ادام ۋلاندى، سوت شەشىمى بويىنشا قىزمەت توقتاۋى ءتيىس ەدى، الايدا كاسىپورىن وزگە جك اتىمەن تىركەلىپ، 50 ادامنان 200 ادامعا دەيىن ورنى بار ۇلكەن كاسىپورىنعا اينالدى».

سونىمەن قاتار سانيتارلىق-ەپيدەميولوگيالىق سالاسى اياسىندا كاسىپكە ارنالعان بارەرلەردى قىسقارتۋ بارىسىندا رەفورما اكىمشىلىگى ءبىرقاتار ەرەجەلەر مەن نورمالاردىڭ سانىنىڭ قىسقارۋىنا اكەلىپ سوعادى. تەكسەرۋ قاعازدارىنداعى ورىنداردىڭ سانى 11 مىڭنان 1704كە دەيىن قىسقاردى. 6 سانيتارلىق ەرەجە قارالىپ، 29-ى ەسكىرگەن. ناتيجەسىندە الماتىدا 206 سۇلۋلىق سالونى، 141 ەم-پروفيلاكتيكالىق مەكەمە، 3 لابوراتوريا، 5 بازار، 154 ساۋدا كاسىپورىندارى مەن 58 وقۋ وبەكتىسى تەكسەرىلمەيتىن بولدى.

وسىنى ەسكەرگەن قوعامدىق دەنساۋلىق ساقتاۋ دەپارتامەنتىنىڭ باسشىسى كاسىپورىن يەلەرىنە سانيتارلىق تالاپتار مەن تۇرعىنداردىڭ دەنساۋلىعىنا جاۋاپكەرشىلىكپەن قاراۋىن سۇرادى.

«باقىلاۋ بارىسىندا ونداي وبەكتىلەردىڭ 400ء-ى انىقتالدى. ولار تەك وزدەرىن ويلايدى. بارىنە جاۋاپكەرشىلىكتى ارتتىرۋ قاجەت ەكەنىن ەسكەرتەمىن»، - دەدى ايزات مولداعاسىموۆا ءوز سوزىندە.

كەزدەسۋ قورىتىندىسىندا «الماتى قالاسى قوعامدىق دەنساۋلىق ساقتاۋ دەپارتامەنتى» رمك جانە الماتى قالاسى ۇلتتىق كاسىپكەرلىك پالاتاسىنىڭ دەنساۋلىق ساقتاۋ سەكتورى اراسىندا تۇرعىندارعا كورسەتىلەتىن قىزمەت ساپاسىن ارتتىرۋ بارىسىندا ءوزارا ىنتىماقتاستىق، سانيتارلىق-ەپيدەميولوگيالىق سالاۋاتتىلىق جانە قوعامدىق دەنساۋلىق ساقتاۋ سالاسىنداعى قۇقىقتىق بازانى جەتىلدىرۋ بويىنشا مەموراندۋمعا قول قويىلدى.