ءبىز بۇكىل الەمدى قولىمىزدا، قالتامىزدا، ءاميانىمىزدا تابىلاتىن سمارتفونعا سىيدىرىپ العانبىز. ودان كەرەگىمىزدى ىزدەپ، بارىمىزدى اقتارىپ، جازبا قالدىرامىز. سول الەۋمەتتىك جەلىگە جاريالاعان پوست ءۇشىن سوتتالىپ كەتەتىنىڭىزدى بىلسەڭىز دە «جولداۋ» سىلتەمەسىن باسار ما ەدىڭىز؟
پالەستينالىق دارين تاتۋر ەسىمدى اقىن ايەل 2015 جىلى الەۋمەتتىك جەلىگە پوەماسىن جاريالاعان. سودان باستاپ يزرايل سوتىنىڭ تەرگەۋىندە ءجۇر. ونىڭ جازعان پوەماسىندا تەرروريزمگە شاقىراتىن جولدار بار ەكەندىگى انىقتالعان. بۇل تۋرالى Qamshy.kz اقپارات اگەنتتىگى Reuters-كە سۇيەنە وتىرىپ جازادى.
2015 جىلدىڭ 11 قازانىندا پوليسيا قىزمەتكەرلەرى نازارەت قالاسىنا جاقىن ماڭداعى ۇيگە كەلىپ، قوعام بەلسەندىسى جانە اقىن دارين تاتۋردى الىپ كەتتى. ونىڭ جازىعى «قارسىلاس، حالقىم، قارسىلاس» اتتى ولەڭىن جەلىگە جاريالاعانى. باستاپقىدا، ونىڭ پوەماسى قوعامداعى زورلىق-زومبىلىقتى كۇشەيتەدى دەپ ايىپتالسا، ءبىر ايدان سوڭ «تەرروريستىك ۇيىمدى قولداۋ ءۇشىن جازىلعان» دەپ تانىلدى. ول 400-دەن استام پالەستينالىق الەۋمەتتىك مەديا-پوستتارى ءۇشىن قاماۋعا الىندى.
ولەڭ مازمۇنىندا «پالەستينا مەن يزرايل اراسىنداعى سوڭعى قاقتىعىس تۋرالى جولدار بار بولعانىمەن، كادىمگى وقىپ جۇرگەن تۋىندىلاردان ەش ايىرماشىلىعى جوق» دەپ جازدى باتىس باسىلىمدارى.
يزرايل مەن پالەستينا اراسىندا جالعاسىپ كەلە جاتقان قاقتىعىس قانشالىقتى قيىن بولسا دا، الەۋمەتتىك جەلىدە جازعان جازباسى ءۇشىن سوتتالىپ جاتقان جاعداي العاش رەت ورىن الىپ وتىر.
Watch: A Palestinian poet is in court in Israel on charges that her writings inspire terrorism. Via: @ReutersTV pic.twitter.com/UuBbzUC0Ao
— Reuters Top News (@Reuters) October 27، 2017
دارين ءالى كۇنگە دەيىن پوليسيا باقىلاۋى استىندا، ونىڭ سوتى ءالى ءۇش ايعا سوزىلماق. ەگەر سوتتالسا 8 جىل باس بوستاندىعىنان ايىرىلعالى تۇر. تومەندە دارين تاتۋر پوەماسىنىڭ قازاقشا نۇسقاسى بەرىلدى:
قارسىلاس، حالقىم، قارسىلاس
يەرۋساليمدە، جارامدى كيىپ، قاسىرەتىممەن دەم الدىم
اراب پالەستيناسى ءۇشىن.
جانىمدى الاقاندا ۇستادىم
مەن «بەيبىت شەشىمگە» قارسى ەمەسپىن
مەنىڭ تۋىم ەشقاشان تومەن تۇسىرىلمەيدى
ولار مەنىڭ جەرىمنەن شىقسىن
ولاردى جاقىن ارادا شىعارىپ تاستايمىز.
قارسىلاس، حالقىم، قارسىلاس
قارسىلاستىڭ توناۋىنا قارسى تۇر
شەيىت كەرۋەندەرىن ۇستانىڭىز.
ۇياتسىزدار كونستيتۋسيانى دا بۇزدى
توزدىراتىن جانە قورلايتىن
ادىلەتتىلىكتى قالپىنا كەلتىرۋدەن ءبىزدى قورقىتتى.
ولار كىناسىز بالالاردى ورتەدى؛
حاديلگە كەلەر بولساق،
كۇندىزگى ۋاقىتتا ونى ءولتىردى.
قارسىلاس، حالقىم، قارسىلاس
كولونيزاتوردىڭ شابۋىلىنا قارسى تۇر.
ارامىزداعى ساتقىندارعا اقىل بەرمەڭدەر
ءبىزدى بەيبىت ەلەسىمەن بايلانىستىراتىن كىم.
كۇماندى تىلدەردەن قورىقپا؛
جۇرەگىڭدەگى شىندىق كۇشتى،
قارسىلاس حالقىم، قارسىلاس...
(پوەما اعىلشىن تىلىنەن اۋدارىلدى)
