ەلباسى نۇرسۇلتان نازاربايەۆ قازاق ءتىلى ءالىپبيىن كيريلليسادان لاتىن گرافيكاسىنا كوشىرۋ تۋرالى جارلىققا قول قويدى.

وسىعان وراي، اتىراۋ وبلىسى پروكۋراتۋراسىندا جاڭا لاتىن ءالىپبيىن ۇيرەنۋ بويىنشا وقۋ ساباعى وتكىزىلدى دەپ حابارلايدى Qamshy.kz اقپارات اگەنتتىگى. 

وبلىس پروكۋرورى ەرنات سىبانقۇلوۆتىڭ ايتۋىنشا، مەملەكەتتىك ورگانداردىڭ قىزمەتكەرلەرى جاڭا ءالىپبيدى ءبىرىنشى كەزەكتە ءبىلۋ كەرەك، ويتكەنى ەرتەڭ ءدال وسى لاۋازىمدى تۇلعالار ازاماتتاردى قابىلداپ، ولاردىڭ وتىنىشتەرى بويىنشا جاۋاپ بەرەدى. سوندىقتان قازىردەن باستاپ جاڭا تالاپتارعا دايىندالۋ قاجەت.

«مەملەكەت وكىلدەرى رەتىندە بىزدەر لاتىن ءالفاۆيتىن ايقىن، ناقتى جانە ساۋاتتى ءبىلىۋىمىز كەرەك» – دەدى ول.

لاتىن گرافيكاسىنا كوشۋ قازىرگى زامانعى شىندىققا نەگىزدەلگەن، كوممۋنيكاسيانىڭ تەحنيكالىق ەرەكشەلىكتەرى لاتىن گرافيكاسىنىڭ قاجەتتىگىن كورسەتىپ وتىر. ءىس جۇزىندە بارلىق تەحنولوگيالىق دامىعان الەم كوبىنە لاتىن گرافيكاسىن قولدانادا.

قازاقستان ءۇشىن بۇل تاريحي ءسات. 2025 جىلعا دەيىن لاتىن گرافيكاسىنا كەزەڭ-كەزەڭىمەن كوشۋ تۋرالى مەملەكەت باسشىسى 2012 جىلعى «قازاقستان - 2050» ستراتەگياسىندا اتاپ وتكەن. 

ساباقتى حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ گۋمانيتارلىق عىلىمدار جانە ونەر فاكۋلتەتىنىڭ دەكانى گۇلفايرۋز قايىرعالييەۆا وتكىزدى. ول پروكۋرورلارعا جاڭا ءالىپبيدىڭ ەرەكشەلىكتەرىن، ونىڭ تاريحي ماعىناسىن جانە قازاقستاندىقتاردىڭ ومىرىندەگى بۇرىنعى لاتىن گرافيكاسى تۋرالى ايتتى.   

پروكۋرورلارمەن وسى تەكتەس وقۋ ساباقتارى الداعى ۋاقىتتا دا ءوتىپ تۇرادى.