«قامشى» اقپارات اگەنتتىگى جىل باسىنان بەرى «الاشوردانىڭ» 100 جىلدىعىنىڭ قۇرمەتىنە 5 ءىس-شارانى جوسپارلاعان. سوعان وراي 5 ناۋرىزدا ءاليحان بوكەيحاننىڭ تۋعان كۇنىنە وراي الاش ارىستارىنىڭ رۋحىنا ارناپ، بايتۇرسىن ۇلى مۇراجاي ۇيىندە اس بەرىلگەن. ءساۋىر ايىندا بايتۇرسىن ۇلى ساياباعىنا 100 اعاش وتىرعىزىلدى. ەندىگى كەزەك 100 جەتىم بالا مەن 100 مۇقتاج ستۋدەنتكە 20 مىڭ تەڭگەدەن جالپى قورى 4 ميلليون تەڭگە كومەك كورسەتىلەدى. ال «الاش ارىستارىنىڭ 100 ءىزباسارىنا» داۋىس بەرۋ «Elek.kz» سايتىندا جالعاسۋدا. ايتا كەتەرلىگى وسى ءىس-شارانىڭ بارىنە قاراپايىم ازاماتتار مەن الماتى قالاسى اكىمدىگى ەرەكشە قولداۋ كورسەتتى.

ارينە، ءبىر جولدا 4 ميلليون تەڭگە كومەك كورسەتۋ اشىلعانىنا ەندى عانا 5 جىل بولعان «قامشى» اقپارات اگەنتتىگى ءۇشىن وڭاي مىندەت ەمەس. سوندىقتان دا 24 قاراشادا «Ugai production» انشىلەرىنىڭ «جىلاماسىن سابيلەر» اتتى قايرىمدىلىق كونسەرتىن وتكىزۋدى جوسپارلادىق. ەل سۇيەتىن «الاش ۇلى» ەتنو-توبىندا بىرنەشە جىل ونەر كورسەتكەن ۇشقىن جامالبەك باۋىرىمىزدىڭ باستاماسىمەن قۇرىلعان «Ugai production» بۇل كۇندە ءبىراز تىڭدارماننىڭ العىسىنا بولەنگەن ۇجىم. «ءدۇر قامشى»، «جىلاماسىن سابيلەر»، «ءبارى سەن ءۇشىن» ت.ب. تانىمال اندەردىڭ ورىنداۋشىلارى ۇشقىن جامالبەك، اسەت ەسجان، Ochooou(ولجاس اباي) سىندى ونەرپازدار الماتىداعى العاشقى كونسەرتىندە سىزدەر ءۇشىن ءان شىرقاماق. 100 جەتىم بالا مەن 100 ستۋدەنتكە قاجەتتى 4 ميلليون تەڭگە «الاش تۋى استىندا كۇن سونگەنشە سونبەيتىن» وزدەرىڭىز سياقتى تىڭدارمانداردىڭ كومەگىمەن جينالادى دەپ سەنىپ وتىرمىز. قايىرىمدىلىققا جينالعان اقشا مۇقتاج جاندارعا ءدال سول كونسەرت تورىندە تابىس ەتىلەدى. وتكەن مەن بۇگىندى جالعاستىرعان مۇنداي ءىس-شارا «رۋحاني جاڭعىرۋ» سىندى مەملەكەت ساياساتىنا ءسال دە بولسا قولداۋ دەپ بىلىڭىزدەر. ءال-فارابي بابامىز ارمانداپ وتكەن «قايىرىمدى قالا تۇرعىندارىن» اسىعا كۇتەمىز.

بيلەتتەر 2000، 3000،4000،5000، 20000 تەڭگەدەن ساتىلادى. ەگەر ءسىز 20000 تەڭگەگە بيلەت الساڭىز ءبىر جەتىم بالاعا نەمەسە ءبىر ستۋدەنتكە كومەك كورسەتتىم دەپ ءبىلىڭىز.

قولداۋ كورسەتۋشى: الماتى قالاسى اكىمدىگى

ۇيىمداستىرۋشى: @Qamshy.kz اقپارات اگەنتتىگى

وتەتىن ورنى: «الاتاۋ» ءداستۇرلى ونەر تەاترى

كەش قوناقتارى: «الاش ۇلى»، ءمولدىر اۋەلبەكوۆا، دانا كەنتاي ت.ب.

بيلەت ساتىپ الۋ ءۇشىن بايلانىس تەلەفونى: 8-701-708-27-25، 8-707-138-94-64

ەل.پوشتا: qamshy@gmail.com