بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ پەن ونىڭ ءىسى بويىنشا ايىپتالعان تاعى 22 ادامنىڭ ءىسىن قارايتىن نەگىزگى سوت پروسەسى 7 قاراشاعا بەلگىلەندى. 31 قاراشادا وتكەن الدىن الا تىڭداۋدا استانانىڭ مامانداندىرىلعان اۋدانارالىق قىلمىستىق ىستەر بويىنشا سوتى ادۆوكاتتار بىلدىرگەن تالاپ-تىلەكتەردىڭ كوبىن قابىلداماي تاستادى، دەپ Qamshy.kz اقپارات اگەنتتىگى ازاتتىق راديوسىنا سىلتەمە جاساپ حابارلايدى.
بيشىمبايەۆتىڭ ادۆوكاتى سوتتان وعان قاتىستى قىلمىستىق قۋدالاۋدى توقتاتۋدى سۇراعان. سوت ول تالاپ-تىلەك الدىن الا سوت تىڭداۋىندا قاناعاتتاندىرىلمايتىنىن ايتىپ، قايتارىپ تاستادى.
پارا الدى جانە قارجى جىمقىردى دەپ ايىپتالعان 37 جاستاعى ەكس-مينيستر بيشىمبايەۆ وسى جىلدىڭ باسىنان بەرى قاماۋدا وتىر. تەرگەۋ تۇجىرىمىنشا، بيشىمبايەۆ "بايتەرەك" حولدينگىن باسقارىپ تۇرعان كەزىندە كوررۋپسيالىق قيتۇرقىلىق جاساپ، قىزىلورداداعى شىنى زاۋىتىنىڭ قۇرىلىسىنا بولىنگەن قارجىنى جىمقىرعان. بيشىمبايەۆ ايىبىن مويىندامايدى.
31 قازاندا وتكەن الدىن الا سوت تىڭداۋىندا بيشىمبايەۆ ءىسى بويىنشا سوتتالعانداردىڭ ءبىرازى ايىپتارىن "مويىندايتىنى" بەلگىلى بولعان.
پىكىر قالدىرۋ