پاكىستاندا ايەلىنىڭ رۇقساتىنسىز ەكىنشى رەت ۇيلەنگەن ەر ادام جارتى جىلعا تۇرمەگە قامالدى، دەپ حابارلايدى News.am. سونىمەن قاتار، $2000 كولەمىندە ايىپپۇل تولەۋگە مىندەتتەلدى.

ايتا كەتەرلىگى، پاكىستاندا وتباسى كودەكسىنە بايلانىستى ايەل قۇقىعى العاش رەت قولداۋ تاۋىپ وتىر. ايشا ءبيبى كۇيەۋى شاحزاد ساكيبتىڭ ونىڭ رۇقساتىنسىز ەكىنشى ايەل العانىن ايتىپ، ارىز جازعان. «ايەلىنىڭ رۇقساتىنسىز ەكىنشى مارتە نەكەلەسۋ – زاڭعا قايشى»، - دەدى ايەل ارىز بەرۋ ۇستىندە.

ال كۇيەۋى مۇنداي شەشىمگە قارسى شىعىپ، شاريعات بويىنشا 4 ايەل الۋعا بولاتىنىن العا تارتى. الايدا سوت ونىڭ ايتقاندارىن قابىل المادى.

 يسلام يدەولوگياسى كەڭەسى ايەلىنەن رۇقسات الۋ جايىندا زاڭنامانى ءجيى سىنعا الاتىن. ءبىراق اتالمىش كەڭەستىڭ ۇسىنىستارى زاڭدا قارالمايدى.