تالاس جۇرتى اتامبايەۆقا نۇرسۇلتان نازاربايەۆ پەن قازاق حالقىنان ءبىر اپتانىڭ ىشىندە كەشىرىم سۇراسىن دەپ تالاپ قويدى، — دەپ حابارلايدى Qamshy.kz اقپارات اگەنتتىگى. ايتا كەتەتىن بولساق، كەشە قىرعىز حالقى اتامبايەۆتىڭ كەشىرىم سۇراۋىن تالاپ ەتىپ ميتينگىگە شىققان بولاتىن. رەسمي اقپاراتقا سۇيەنسەك، ميتينگكە 100-گە جۋىق ادام شىققان. 

تالاس جۇرتىنىڭ اقساقالى اتامبايەۆتىڭ قازاق حالقىنا ايتقانى ونىڭ پرەزيدەنتتىگىنە سىن ەكەنىن ايتتى. سونىمەن بىرگە اتامبايەۆ تەك قازاقستان پرەزيدەنتى تۋرالى عانا ەمەس، وزگە دە ساياساتكەرلەر تۋرالى ورىنسىز پىكىر بىلدىرگەنىن دە ايتىپ ءوتتى. 

ايتا كەتەتىن بولساق، اتامبايەۆ تالاس جۇرتى تۋرالى دا بالاعات ءسوز ايتقان. ول جەرگىلىكتى تۇرعىنداردى مالعا تەڭەپ، جاقىن ارادا قازاق حالقىنا قوسىلاتىنىن ايتقان. 

«ءبىز تازا قىرعىزدىڭ ۇرپاعىمىز. الماس سارسەنوۆتى ءبىز العاشىندا جاقسى ساياساتكەر دەپ، پرەزيدەنتتىككە سايلاعان ەدىك. ال ول نە ىستەدى؟ كەزىندە روزا وتۋنبايەۆاعا دا بالاعات ءسوز ايتتى. بۇل ءسوزدى پرەزيدەنت  تۇگىلى كوشەدەگى ماسكۇنەمدەر دە ايتپايدى. ارتىق ايتسام كەشىرىڭىزدەر. ءبىر ەلدى بيلەپ وتىرعان پرەزيدەنتتىڭ اۋزىنان مۇنداي ءسوز شىقپاۋ كەرەك ەدى»، — دەپ پىكىر ءبىلدىردى اسەنبەك اقساقال.