ق ر ءبىلىم جانە عىلىم ءمينيسترى ەرلان ساعادييەۆ پاريجدە  يۋنەسكو-نىڭ باس كونفەرەنسياسىنىڭ 39-شى سەسسياسىنا قاتىسىپ، ءسوز سويلەدى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى.

كەزدەسۋگە الەمنىڭ 100-دەن استام مەملەكەتىنىڭ ءبىلىم مينيسترلەرى جينالعان. يۋنەسكو سەسسياسىنىڭ نەگىزگى ماقساتى – ءبىلىم مازمۇنىن جاڭعىرتۋ، سالانىڭ جاھاندانۋى مەن ۇدەمەلى ينتەرناسيوناليزاسياسى عالامدىق كوزقاراستاعى جانە وسىنداي جاۋاپكەرشىلىگى بار قازىرگى زامانعا ساي جاڭا بۋىن قالىپتاستىرۋداعى نەگىزگى ترەندتەر بولىپ وتىر.

ق ر ءبىلىم جانە عىلىم ءمينيسترى ەرلان ساعادييەۆ ءوز سوزىندە قازاقستاننىڭ ءبىلىم سالاسىنداعى ورنىقتى دامۋ ماقساتتارى مەن ينتەگراسيالىق ۇدەرىستەردى قولدايتىنىن ايتتى. ول استانادا وتكەن "Eحرو-2017" حالىقارالىق كورمەسىنىڭ جەتىستىكتەرىن ايتا كەلە، ونىڭ نەگىزىندە بۇۇ-نىڭ بەس اگەنتتىكتەرىنىڭ قولداۋىمەن قىزمەتىن ۇنەمى جالعاستىراتىن حالىقارالىق "جاسىل" تەحنولوگيالار جانە "بولاشاقتىڭ ەنەرگياسى" ورتالىعىن قۇرىپ جاتقانى جونىندە مالىمدەدى.

ساعادييەۆ كورمەدەن كەيىنگى كەزەڭدە يسلام ىنتىماقتاستىق ۇيىم مۇشە ەلدەرىنىڭ عىلىمي زەرتتەۋلەر مەن ءبىلىم سالاسىنداعى جوبالاردى بىرلەسىپ جۇرگىزۋ جونىندەگى شەشىمدى استانادا وتكىزىلگەن العاشقى عىلىم جانە تەحنولوگيالار جونىندەگى ءسامميتىنىڭ ناتيجەسى رەتىندە اتاپ ءوتتى.

ءبىلىم سالاسىنىڭ دامۋ بارىسى تۋرالى بايانداعان مينيستر مەكتەپتەردىڭ جوعارى سىنىپتارى مەن كوللەدجدەردە اعىلشىن ءتىلىنىڭ پاندىك دەڭگەيدە ەنگىزۋ جوسپارلارى تۋرالى ايتتى. سونىمەن قاتار ول ەلىمىزدەگى جوعارى وقۋ ورىندارىنىڭ اكادەميالىق جانە باسقارۋ ەرىكتىگى ەداۋىر كەڭەيەتىندىگى تۋرالى مالىمدەدى – بۇل ءبىلىم باعدارلامالارىن قۇرىپ، باسقارۋدىڭ ءتيىمدى تاسىلدەرىن ەندىرۋگە مۇمكىندىك بەرىپ، قازاقستاننىڭ ورتالىق ازيا ايماعىنداعى ءبىلىم ورتالىعىنا اينالۋىنا سەپتىگىن تيگىزەدى.

ەرلان ساعادييەۆ ەلدەگى جوو-نا شەتەلدىك ستۋدەنتتەردى تارتۋ جانە ۇلتتىق كاسىبي ستاندارتتار جانە بىلىكتىلىك قۇرىلىمىن حالىقارالىق دەڭگەيمەن سايكەستەندىرۋ قاجەتتىگى ماسەلەلەرىن قوزعاپ، قازاقستاننىڭ يۋنەسكو اياسىندا جاسالىپ جاتقان بارلىق باستاماعا قاتىسۋعا دايىن ەكەندىگىن جەتكىزدى.