كەشە اقش-تىڭ تەحاس شتاتىندا باپتيستەر شىركەۋىندە قۇلشىلىق كەزىندە الدەبىر ادام وق اتىپ، كەم دەگەندە 27 ادام قازا تاپتى، دەپ حابارلايدى Qamshy.kz اقپارات اگەنتتىگى ازاتتىق راديوسىنا سىلتەمە جاساپ.

تەحاس گۋبەرناتورىنىڭ مالىمدەۋىنشە، سان-انتونيو قالاسىنان وڭتۇستىككە قاراي 50 كيلومەتر قاشىقتىقتاعى سازەرلاند سپرينگس ەلدى مەكەنىندە شىركەۋدە بولعان اتىستان 20 ادام جارالاندى. بىرنەشە ادام اۋىر حالدە اۋرۋحانادا جاتىر. قۇرباندار اراسىندا جاس بالالار مەن ەگدە كىسىلەر دە بار.

پوليسيانىڭ مالىمەتىنشە، شىركەۋدەگى اتىستى 26 جاستاعى ديەۆين پاتريك كەللي ۇيىمداستىرعان. كۋاگەرلەر ونىڭ شىركەۋگە قۇلشىلىق باستالعاندا قارا ءتۇستى كيىممەن كىرىپ بارىپ، وق اتقانىن ايتادى. شىركەۋدەن شىعاردا وعان مەرگەن مىلتىعى بار جەرگىلىكتى تۇرعىن قارسى وق اتقان. شابۋىل جاساعان ادام وقيعا ورنىنان ءوز كولىگىمەن قاشىپ كەتكەن. پوليسيا از ۋاقىت ىزىنە تۇسكەن سوڭ ىشىندە شابۋىل جاساعان ادامنىڭ ءمايىتى جاتقان قيراعان كولىكتى تاپتى. ونىڭ وز-وزىنە قول سالعانى، يا اتىس كەزىندە العان جاراقاتىنان كوز جۇمعانى بەلگىسىز. پوليسيانىڭ حابارلاۋىنشا، شابۋىلداۋشىنىڭ دەنەسىنەدە وق وتپەيتىن كەۋدەشە بولعان.

اقش پرەزيدەنتى دونالد ترامپ شابۋىل قۇرباندارىنىڭ وتباسىلارىنا كوڭىل ايتتى.