قازاقستان رەسپۋبليكاسى پارلامەنتى سەناتىنىڭ كەزەكتى جالپى وتىرىسىندا دەپۋتاتتار قاسىم-جومارت توقايەۆتىڭ ءتوراعالىق ەتۋىمەن «2018-2020 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن ماقۇلداپ، تۇزەتۋلەر ەنگىزدى دەپ حابارلايدى Qamshy.kz اقپارات اگەنتتىگى.
پرەزيدەنت نازاربايەۆ قاڭتار ايىنداعى حالىققا جولداۋىندا باستى مىندەتتەردىڭ ءبىرى رەتىندە «ءبىرىنشى. بيۋدجەت شىعىستارىنىڭ تيىمدىلىگىن تۇبەگەيلى ارتتىرۋ قاجەت»، - دەگەن ەدى.
وندا، «كەلەسى شەشۋشى مىندەت – سالىق-بيۋدجەت ساياساتىن جاڭا ەكونوميكالىق جاعدايعا بەيىمدەۋ.
ءبىز 2017 جىلى مەملەكەتتىك دامۋ باعدارلامالارىن قاجەتتى رەسۋرستارمەن تولىقتاي قامتاماسىز ەتتىك. مينيسترلىكتەر مەن ۆەدومستۆولاردىڭ قاراجاتتى يگەرۋىنىڭ تيىمدىلىگىن تەكسەرۋ قاجەت.
رەسپۋبليكالىق بيۋدجەتتىڭ 40%-دان استامىن قۇرايتىن دەنساۋلىق ساقتاۋ، ەڭبەك جانە حالىقتى الەۋمەتتىك قورعاۋ، ءبىلىم جانە عىلىم مينيسترلىكتەرىنەن باستاۋ كەرەك. ونىڭ قورىتىندىسى بويىنشا ماعان باياندالسىن.
ءتيىمسىز باعدارلامالاردىڭ قاراجاتىن ءۇشىنشى جاڭعىرتۋ مىندەتتەرىن ىسكە اسىرۋدى قامتاماسىز ەتەتىن باعدارلامالارعا قايتا ءبولۋ قاجەت. سونداي-اق، قاراجاتتى ناقتى ەكونوميكاعا نەعۇرلىم تەزىرەك ءارى تيىمدىرەك جەتكىزۋ ءۇشىن بيۋدجەتتىك راسىمدەردى جەڭىلدەتكەن ءجون»، - دەپ ناقتى تاپسىرمالار بەكىتىلگەن.
قر-نىڭ قارجى ءمينيسترى باحىت سۋلتانوۆ قارجى قۇجاتتارىنىڭ نەگىزگى دەپ تانىلاتىن پارامەترلارىن ۇسىندى. ءمينيستردىڭ ايتۋىنشا، رەسپۋبليكالىق بيۋدجەتتىك جوبانى قالىپتاستىرۋ بارىسىندا پارلامەنتتىك تىڭداۋدا ايتىلعان ەسەپ كوميتەتىنىڭ، ەكونوميكالىق ىنتىماقتاستىق جانە دامۋ ۇيىمىنىڭ ۇسىنىستارى نازارعا الىندى.
– ءتۇسىمنىڭ جالپى كولەمى 2018 جىلعا 8،5 تريلليون تەڭگە بولسا، 2019 جىلى – 9،1 تريليون، 2020 جىلى – 9،5 تريلليون تەڭگە دەپ بەلگىلەندى. شىعىندارعا كەلەتىن بولساق، 2018 جىلى-9،2 تريلليون، 2019 جىلى – 9،7 تريلليون، 2020 جىلى – 10،2 تريلليون تەڭگەنى قۇرايدى دەيدى ءبولىم باستىعى.
سەنات كوميتەتى قارجى جانە بيۋدجەت ءبولىمىنىڭ ءتوراعاسى ولگا پەرەپەچينا وسى جوبانى تالقىلاۋ بارىسىندا،سەناتتىڭ تۇراقتى كوميتەتى مەن دەپۋتاتتارى زاڭعا 127،7 ملرد. تەڭگە سوماسىنا تولىقتىرۋلار مەن وزگەرىستەر ەنگىزۋ تۋرالى 100-دەن اسا ۇسىنىس ايتتى. سونىڭ ناتيجەسىندە ۇسىنىستار ءۇشجىلدىق كەزەڭگە 85،6ملرد تەڭگە كولەمىندە قولداۋ تاپتى.
بۇل ۇسىنىستاردى قارجىلاندىرۋدىڭ قاينار كوزى – 2018 جىلى مەملەكەتتىك رەزەرۆتى 4،8 ملرد. تەڭگەگە جانە2017 جىلى اياقتالعان قۇرىق پورتىنىڭ قۇرىلىسى شىعىنىن 16،9 ملرد تەڭگەگە قىسقارتۋ بولىپ تابىلادى دەپ كورسەتتى كوميتەت باسشىسى.
ونىڭ ايتۋىنشا، ۇسىنىلعان وزگەرىستەر:
1.ىشكى ىستەر مينيسترلىگىنىڭ قۇرىلىمدىق بولىمشەلەرىنىڭ لوگيستيكاسى.
2.گيدرومەتەورولوگيالىق قىزمەت.
3.وڭتۇستىك قازاقستان، قىزىلوردا جانە اقتوبە وبلىستارىنىڭ ەكولوگيالىق جاعىنان قولايسىز ايماقتارىنىڭ تۇرعىندارىنا بەرەشەكتى وتەۋ.
4.قازاق ءالىپبيىن لاتىن قارپىنە كوشىرۋ سياقتى ءىس-شارالاردى قارجىلاندىرۋدى كوزدەيدى.
تالقىلاۋ قورىتىندىسى بويىنشا، سەناتورلارمەن وزگەرتىلگەن زاڭ جوباسىنماجىلىسكە جىبەردى.
قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ زاڭ جوباسىن قولداعان ءۇشىن دەپۋتاتتىق كورپۋسقا العىسىن ءبىلدىردى. ساعىنتايەۆ قۇجاتتىڭ قابىلدانۋى ەكونوميكا تۇراقتىلىعىن جانە دامۋىن قامتاماسىز ەتەتىندىگىن، سونداي-اق مەملەكەت باسشىسىنىڭ تاپسىرمالارىن ورىنداۋعا كومەكتەسەتىنىن اتاپ ءوتتى. مينيسترلەر كابينەتىنىڭ باسشىسىنىڭ ۋادەسى ءۇش جىلدىق بيۋدجەتتى تالقىلاۋ بارىسىندا سەناتورلار كوتەرگەن بارلىق ماسەلەلەر ۇكىمەتتە شەشىم تاباتىندىعىنا سەندىرىپ وتىر.
بيۋدجەتتىك زاڭنامانى جەتىلدىرۋ ماسەلەلەرى بويىنشا وزگەرتۋلەر مەن تولىقتىرۋلار ەنگىزىلگەن تاعى ءبىر زاڭ جوباسى سەناتورلاردىڭ پارلامەنت ماجىلىسىنە جىبەرىلدى.
سونىمەن قاتار، دەپۋتاتتار «2018-2020 جىلدارعا ارنالعان قازاقستان رەسپۋبليكاسىنىڭ ۇلتتىق قورىنان كەپىلدەندىرىلگەن ترانسفەرت تۋرالى» زاڭ قابىلدادى. قۇجاتقا سايكەس، 2020 جىلدان باستاپ كەپىلدەندىرىلگەن ترانسفەرت رەسپۋبليكالىق بيۋدجەتكە بەكىتىلىپ، ەكى تريلليون تەڭگەنى قۇرايدى.
پىكىر قالدىرۋ