2017 جىلدىڭ شىلدە ايىندا قازاقستان رەسپۋبليكاسى مەن يران مەملەكەتى اراسىندا يرانعا مۇزداتىلعان جانە سالقىنداتىلعان قوي ەتىن ەكسپورتتاۋعا ۆەتەرينارلىق تالاپتارى كەلىسىلگەن بولاتىن.
وسىعان وراي، قازىرگى تاڭدا يران ەلىنىڭ نارىعىنا مال شارۋاشىلىعى ونىمدەرىن ەكسپورتتاۋ جۇمىستارى جالعاسۋدا. جىل باسىنان بەرى ەلىمىزدەن 118،4 توننا ءتىرى قوي، 132،2 توننا قوي ەتى وسى مەملەكەتكە ەكسپورتتالىپ وتىر دەپ حابارلايدى Qamshy.kz اقپارات اگەنتتىگى. 
سونىڭ ءبىرى باتىس قازاقستان وبلىسىنداعى «كۋبلەي» ج ش س مەن يراندىق كومپانيالار اراسىنداعى كەلىسىم شارت اياسىندا جىل سوڭىنا دەيىن يرانعا 200 توننا قوي ەتىن جەتكىزۋدى جوسپارلاعان.
جىل باسىنان باتىس قازاقستان وبلىسىنان يران مەملەكەتىنە 80 توننا قوي ەتى ەكسپورتتالعان.
بارلىق اتقارىلىپ جاتقان جۇمىستار ەكى ەلدىڭ اۋىل شارۋاشىلىعى مينيسترلىگىنىڭ باقىلاۋىمەن جۇزەگە اسىپ وتىر.