بۇگىن ورتالىق كوممۋنيكاسيالار قىزمەتىندە ق ر اۋىل شارۋاشىلىعى مينيسترلىگىنىڭ وكىلدەرى مەن «قازاگروكەپىل» اق باسشىلىعى بريفينگ وتكىزدى. قاتىسۋشىلار قارجىلاندىرۋعا قول جەتكىزۋدى قامتاماسىز ەتۋگە تارتىلعان شارۋالارعا مەملەكەتتىك قولداۋدىڭ ءتيىمدى قۇرالى رەتىندە شاعىن قالالاردا جانە اۋىلدىق جەرلەردە نەسيە، شاعىن نەسيەلەردى كەپىلدەندىرۋ تۋرالى باياندادى.
2017 جىلى «قازاگروكەپىل» اق اوك-تىڭ دامۋىنا زور ۇلەس قوستى. قازاقستاندىق شارۋالار ءۇشىن قولجەتىمدى قارجىلاندىرۋدى قامتاماسىز ەتەتىن جانە اۋىل بيزنەسىن تۇراقتى، قارقىندى دامىتاتىن جاڭا ىڭعايلى قولداۋ قۇرالدارى پايدا بولدى دەپ حابارلايدى Qamshy.kz اقپارات اگەنتتىگى ق ر اشم باسپا ءسوز قىزمەتىنە سىلتەمە جاساپ.
2016 جىلدىڭ 29 جەلتوقسانىندا قازاقستان رەسپۋبليكاسىنىڭ ۇكىمەتى قاۋلىسىمەن ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى بەكىتىلدى. «قازاگروكەپىل» اق باعدارلامانىڭ ەكىنشى باعىتى بويىنشا، اتاپ ايتقاندا ءىسىن جاڭا باستاعان كاسىپكەرلەر بيزنەسىن اشۋ، سونداي-اق قولدانىستاعى بيزنەستى كەڭەيتۋگە باعىتتالعان شاعىن قالالار مەن اۋىلدىق جەرلەردە شاعىن نەسيەلەردى/نەسيەلەردى كەپىلدەندىرۋ بولىگى بويىنشا جۇمىس جاسايدى.

كوپتەگەن شارۋالار نەسيە الۋ كەزىندە كەپىل قويۋ جەتىسپەۋشىلىگى ماسەلەلەرىنە تاپ بولاتىنى بەلگىلى. نارىقتا اۋىل مۇلكىنىڭ تولەم وتىمدىلىگى تومەن بولۋى شارۋالارعا قاجەتتى قاراجاتتى الۋعا مۇمكىندىك بەرمەيدى. مەملەكەت، شارۋالاردىڭ ماسەلەلەرىن تۇسىنە وتىرىپ، ولارعا قول ۇشىن سوزدى جانە ءدال بۇگىن ولاردا بيۋدجەت قاراجاتى ەسەبىنەن كەپىلدىك الۋ مۇمكىندىگى بار. قازىرگى تاڭدا، كەپىلدەندىرۋ قۇرالدارىن 183 شارۋا پايدالاندى. ەرەكشە اتاپ وتەتىن ءبىر جايت كەپىلدىك العان 44% (80 شارۋا) – بۇل ستارتاپ-كاسىپكەرلەر، ياعني بيزنەسىن جاڭادان اشقان كاسىپكەرلەر بولىپ تابىلادى. جاڭا كاسىپكەرلەردىڭ ۇلەسى 1 جىلدان 3 جىلعا دەيىن 24% (45 شارۋا) قۇرايدى. كەپىلدىك الۋعا ءوتىنىش بەرگەن جۇمىس ىستەپ تۇرعان كاسىپكەرلەر ۇلەسى – 32% (58 شارۋا).
قازىرگى تاڭدا بەرىلگەن كەپىلدىكتەردىڭ جالپى سوماسى 970 ملن. تەڭگەنى قۇرايدى. قارىز كەپىلدىگى بويىنشا – 8،7 ملن. تەڭگە، ورتا كەپىلدىك سوماسى – 5،3 ملن. تەڭگە.
جوعارىدا اتالعان باعدارلاما اياسىندا كەز-كەلگەن كاسىپكەر اۋىلدىق جەرلەردە جانە شاعىن قالالاردا «اگرارلىق نەسيە كورپوراسياسى» قورلاندىراتىن كرەديتتىك سەرىكتەستىكتەردەن جانە مقۇ-نان نەسيە الا الادى. كەپىل جەتىسپەگەن جاعدايدا، كاسىپكەر كەپىلدىكتى «قازاگروكەپىل» اق-نان الۋىنا بولادى.

ناتيجەلى جۇمىسپەن قامتۋ باعدارلاماسىنىڭ قاتىسۋشىلارى جۇمىسسىزدار، كاسىپكەرلىك الەۋەتى بار ءوز بەتىنشە جۇمىسپەن قامتىلعاندار، سونىمەن قاتار جۇمىس ىستەپ تۇرعان كاسىپكەرلەر، اۋىل شارۋاشىلىعى كووپەراتيۆتەرى جانە ونىڭ مۇشەلەرى بولۋى مۇمكىن.
كەپىلدەندىرىلەتىن نەسيەنىڭ نەگىزگى بەلگىلەرى. ەڭ جوعارعى سوماسى-18 ملن. تەڭگەگە دەيىن. كەپىلدىك تەك 2017 جىلدىڭ 1 قاڭتارىنان باستاپ كس/مقۇ بەرگەن نەسيەلەر بويىنشا تابىستالادى. نەسيەلەندىرۋ/كەپىلدەندىرۋ مەرزىمى – 5 جىل. مال شارۋاشىلىعى جانە اشوك اشۋ سالاسىندا – 7 جىل. كەپىلدەندىرۋگە سوڭعى قارىز الۋشى ءۇشىن جىلدىق ستاۆكاسى 6% بويىنشا بەرىلگەن نەسيەلەر جاتادى.
كەپىلدىك مولشەرى وزگەرىپ وتىرادى. جۇمىس ىستەپ تۇرعان بيزنەس ءۇشىن نەسيە سوماسىنان 50% -عا دەيىن جابىلادى. جۇمىسىن جاڭادان باستاعان كاسىپكەرلەر ءۇشىن نەسيە سوماسىنان 85% ياعني، جۇمىسىن جاڭادان باستاعان كاسىپكەرلەرگە نەسيە سوماسىنىڭ 15%-ىن جاباتىن كەپىلدىگى بولسا جەتكىلىكتى. قالعان 85% «قازاگروكەپىل» اق جاۋاپكەرشىلىككە الادى. مىسالى: 450 مىڭ تەڭگە ناقتى كەپىلدىك بولسا، جۇمىسىن جاڭادان باستاعان كاسىپكەر 3 ملن. تەڭگەگە دەيىن نەسيە الا الادى.
كەلەسى جىلى كەپىلدەندىرۋ وتىنىشتەرىن 750 بىرلىككە، ال 2019 جىلى – 760-قا دەيىن ۇلعايتۋ كۇتىلۋدە. ياعني، ءۇش جىلدىڭ ىشىندە 1800-گە جۋىق فەرمەرلەر ءوز ءىسىن دامىتۋعا ءبىزدىڭ كەپىلدىكتى الۋ ارقىلى نەسيە الا الادى.

قازىرگى ۋاقىتتا، نەسيەلەندىرەتىن كومپانيالارمەن بىرلەسىپ قۇجاتتاردى بەرۋدىڭ بىرىزدەندىرىلگەن جۇيەسى ازىرلەنىپ جاتىر. اتاپ ايتقاندا، شارۋا نەسيە جانە كەپىلدىك الۋعا ءوتىنىش بەرۋ ءۇشىن قاجەتتى قۇجاتتاردىڭ جالپى ءتىزىمى قۇرىلادى. قۇجاتتاردىڭ ءبىرىڭعاي فورمۋليارى تالقىلانىپ جاتىر، بيزنەس-جوسپار جوباسىنا تالاپتار جۇيەگە كەلتىرىلەدى.
بۇل جاڭاشىلدىق شارۋالارعا نەسيە نەمەسە ليزينگ الۋ ءۇشىن ناقتى ۋاقىت رەجيمىندە قاجەتتى قۇجاتتاردى تاپسىرۋعا مۇمكىندىك بەرەتىن «قازاگرو» حولدينگىنىڭ نەسيەلىك وتىنىمدەردى جيناۋ جانە وڭدەۋ جۇيەسىنىڭ ىسكە قوسىلۋىمەن ءوزارا بايلانىستى، سونىمەن قاتار كومپانيالار كەڭسەلەرىنە اياق باسپاي، وسى جۇيە ارقىلى باقىلاپ، اقپارات الۋعا جانە ۋاقىت پەن قارجى قۇرالدارىن ۇنەمدەۋگە مۇمكىندىك بەرەدى.