پەرۋ ەلىنىڭ بۇرىنعى پرەزيدەنتى البەرتو فۋحيموري 79 جاسىندا ءوز حالقىنان كەشىرىم سۇرادى دەپ حابارلايدى Qamshy.kz اقپارات اگەنتتىگى.
«ءيا، مەن ءوز جوعارى دەڭگەيدە دەپ باعالانعان جۇمىسىمنىڭ شىنايى ناتيجەسىن جاقسى بىلەمىن. سونىمەن بىرگە مەن شەتەلدەگى وتانداستارىمنىڭ ءۇمىتىن اقتاي المادىم»، دەيدى پەرۋدىڭ ەكس-پرەزيدەنتى.
فۋحيموري 1990-2000 جىلدار ارالىعىندا پەرۋدى باسقارعان. ول ەلدەگى وپپوزيسياعا قارسى جانتۇرشىگەرلىك جازالاۋ شارالارىن قولدانعان. 2007 جىلى ەكس-پرەزيدەنت جەمقورلىققا قاتىسى بار دەگەن ايىپپەنن 6 جىلعا باس بوستاندىعىنان ايىرىلىپ، تۇرمەگە توعىتىلعان. كەيىن ونىڭ جازا مەرزىمى ادام قۇقىعىن تاپتاعانى ءۇشىن 6 جىلدان 25 جىلعا ۇزارتىلدى.
بيىل فۋحيموري راقىمشىلىققا ءىلىنىپ مەرزىمىنەن بۇرىن بوستاندىققا شىقتى. وسى جايتقا بايلانىستى حالىق قارسىلىق اكسياسىن وتكىزدى. پەرۋلىكتەردىڭ كوپشىلىگى ەكس-پرەزيدەنتتىڭ جازا مەرزىمىن تولىق وتەپ شىققانىن قالايدى.
«راقىمشىلىق ماعان قاتتى اسەر ەتتى. مەن قاتتى قۋانىشتىمىن ءارى بۇكىل حالىقتىڭ الدىندا ۇياتتىمىن. مەن حالىقتان كەشىرىم سۇرايمىن»، دەپ ءسوزىن اياقتادى ەكس-پرەزيدەنت.
