18 جاستاعى نازەركە ءارىپتى ولتىرگەن قۇربان يسحاكوۆتى 21 جىلعا باس بوستاندىعىنان ايىردى، دەپ حابارلايدى Zakon.kz InAlmaty.kz-كە سىلتەمە جاساپ.

سوت وتىرىسى اۋدانارالىق ارنايى مامانداندىرىلعان قىلمىستىق ىستەر جونىندەگى سوتتا جابىق تۇردە ءوتتى.

«ۇكىم شىعارىلدى، ءبىراق ءبىز ءىستى اپەللياسياعا بەرەمىز. ول وتكەن جولى دا مەرزىمىن تولىق وتەمەگەن. ۇلگىلى ءتارتىبى ءۇشىن ەرتە بوساتقان. وسى جولى دا سولاي بولماسقا كىم كەپىل بەرەدى»، - دەدى نازەركەنىڭ اناسى ساۋلە ساربايەۆا.

اناسىنىڭ ايتۋىنشا، ايىپتالۋشى تەك «ادام ءولتىرۋ» بابى بويىنشا سوتتالعان، «زورلاۋ» بابى قولدانىلماعان. دالەل جوق دەپ ەسكەرمەگەن.«قانداي دالەل كەرەك. ەكى ايدان كەيىن قىزىمنان ەشتەڭە قالماعان»، - دەدى اشىنعان انا.

ەسكە سالا كەتەيىك، 18 جاستاعى نازەركە ءارىپ 10 شىلدە كۇنى ءىز-تۇسسىز جوعالدى. الماتى وبلىسىنا قاراسى تۇزدىباستاۋ اۋىلىنداعى ۇيىنەن شىعىپ، قايتا ورالماعان. 4 قىركۇيەكتە قىزدىڭ دەنەسى تابىلدى.