يتاليا پرەزيدەنتى سەردجو ماتتارەللا ەل پارلامەنتىن مەرزىمىنىڭ اياقتالۋىنا بايلانىستى تاراتىپ جىبەردى دەپ حابارلايدى 24.kz. ءبىراق نەگىزى قوس پالاتانىڭ جۇمىس ىستەۋ مەرزىمى رەسمي تۇردە كەلەسى جىلدىڭ ناۋرىز ايىنا دەيىن جالعاسۋى كەرەك بولاتىن. شەشىم مەملەكەت بيۋدجەتى تۋرالى زاڭدى بەكىتۋگە بايلانىستى قابىلدانىپ وتىر. وسىعان قاتىستى ەل پرەزيدەنتى كونستيتۋسياعا سايكەس ۇكىمەت باسشىسى پاولو دجەنتيلونيمەن جانە پالاتا سپيكەرلەرىمەن كەزدەسىپ، ولاردىڭ قولداۋىنا يە بولدى.

ال جاڭا پارلامەنتتى سايلاۋ كەلەسى جىلى ناۋرىزدىڭ 4-ىندە ءوتۋى مۇمكىن. ول ۋاقىتقا دەيىن قازىرگى ۇكىمەت باسشىسى پاولو دجەنتيلوني ءوز مىندەتىن اتقارا بەرەتىن بولادى. ساراپشىلار بولسا پارلامەنتتىڭ تاراتىلۋى ەكونوميكالىق تۇرعىدان ءالسىز دامىپ كەلە جاتقان يتاليادا ساياسي تۇراقسىزدىقتى ساقتاپ، 2013 جىلعى پارتيالاردىڭ ۇكىمەتتى قۇرىلىمداي الماۋ وقيعاسى قايتالانا ما دەپ وتىر.