سۋكەربەرگ جۇما Facebook-تە جاڭالىق قالىپتاستىرۋ الگوريتمىن وزگەرتۋگە نيەت بىلدىرگەننەن كەيىن كومپانيا اكسيالارىنىڭ باعاسى 3،9 پايىزعا تومەندەدى دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

ەستەرىڭىزدە بولسا، جۇما كۇنى مارك سۋكەربەرگ جاڭالىقتار لەنتاسىنىڭ وزگەرەتىنىن حابارلاعان ەدى. «العاشقى وزگەرىستەر جاڭالىقتار تاسپاسىنا قاتىستى بولماق. سىزدەر (قولدانۋشىلار) ول جەردەن دوستارىڭىز، وتباسىڭىز جانە توپتار تۋرالى اقپاراتتى ءجيى كورەتىن بولاسىزدار. سەبەبى، ءبىز وسى جوسپاردى ءبىرىنشى ورىنعا قويماقپىز. ال، كومپانيالاردىڭ، برەندتەر مەن باق-تىڭ جاريالاعان ماتەريالدارى تاسپادان سيرەك كورىنەدى»، - دەپ جازدى سۋكەربەرگ ءوزىنىڭ الەۋمەتتىك جەلىدەگى پاراقشاسىندا.

وسىدان سوڭ Facebookء-تىڭ اكسيالارى 3،9% ارزانداپ، 2،9 ميلليارد اقش دوللارى كولەمىندە شىعىن كەلدى.

Bloomberg Billionaires Index اگەنتتىگىنىڭ مالىمەتىنشە، وسى وزگەرىستەن كەيىن ونىڭ بايلىعى 77،3 ميلليارد دوللاردان 74،4 ميلليارد دوللارعا دەيىن كەمىدى.