پالاتا وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ سەناتور مۇحتار قۇل-مۇحاممەدتىڭ ساۋالىنا قازاق تىلىندە ماردىمدى جاۋاپ بەرە المادى، دەپ جازادى Qamshy.kz اقپارات اگەنتتىگى.
سۇلەيمەنوۆتىڭ جاۋابىنا كوڭىلى تولماعان سەنات ءتوراعاسى قاسىم-جومارت توقايەۆ مينيستردەن جاۋاپتى جازباشا تۇردە دايىنداۋىن تالاپ ەتتى.
ءمينيستردىڭ جاۋاپ بەرگەن ءساتىنىڭ ۆيدەوسىن سەنات باسپا ءسوز قىزمەتىنىڭ جەتەكشىسى ادىلبەك قابا ءوزىنىڭ Facebook-تەگى پاراقشاسىندا جاريالادى.
ايتا كەتەيىك، 26 اقپاندا مەملەكەت باسشىسى نۇرسۇلتان نازاربايەۆ ق ر اقپارات جانە كوممۋنيكاسيا ءمينيسترى داۋرەن ابايەۆتى قابىلداۋى بارىسىندا ۇكىمەت پەن پارلامەنت تەك مەملەكەتتىك تىلدە قىزمەت كورسەتۋى ءتيىس ەكەنىن ەسكەرتكەن.
كەلەسى كۇنى-اق ۇكىمەت وتىرىسى باستاعان جيىندار تەك مەملەكەتتى تىلدە ءوتىپ جاتىر. سارسەنبى كۇنى وتكەن پارلامەنت وتىرىسىندا دانيار اقىشيەۆتىڭ دا باسىنان ءدال وسىنداي جاعداي وتكەن. ب ا ق وكىلدەرى مەن جيىنعا قاتىسۋشىلاردىڭ الدىندا ۇلتتىق بانك ءتوراعاسى دەپۋتاتتىڭ ساۋالىنا قازاق تىلىندە جاۋاپ بەرە الماي ءمۇدىرىپ قالعان.
