الماتىدا مارقۇمدى جەرلەۋگە كەلگەن قارالى توپ ءمايىتتى جەر قوينىنا تاپسىرا الماي قورىمنان كەرى قايتتى. سەبەبى، زيراتقا يەلىك ەتكەندەر ادەتتەگىدەن قوماقتى قارجى تالاپ ەتىپ، مارقۇمدى جەرلەۋگە رۇقسات بەرمەي قويعان ەكەن. ال، امالى تاۋسىلعاندار ءمايىتتى قايتادان ۇيلەرىنە الىپ كەتكەندەپ جازادى Qamshy.kz اقپارات اگەنتتىگى كتك تەلەارناسى دەرەگىن نەگىزگە الا وتىرىپ.
قايعىدان قان جۇتقانداردىڭ ايتۋىنشا، تەندەر ارقالى قورىمعا يەلىك ەتكەن كومپانيا 55 مىڭ تەڭگە اقشا سۇراپتى. سوندا عانا اتالارىڭدى اقتىق ساپارعا الاڭسىز شىعارىپ سالاسىڭدار دەگەن. ءبىراق، قارالى وتباسىنىڭ ونداي قارجى تاۋىپ بەرۋگە شاماسى جوق دەگەندەر، مۇسىلماندىققا جات قىلىق جاساعاندارعا قولدانار شارا جوق دەيدى. سەبەبى، بۇعان دەيىن قورىمعا تولەنەتىن قارجى 10 مىڭ تەڭگەدەن اسپاعان ەكەن. ال، قورىم يەسى مەن قارالى توپ اراسىندا دانەكەر بولۋعا تىرىسقان اۋداندىق اتقامىنەرلەر، اقىر سوڭىندا جاۋاپتان جالتارىپ كەتتى.
— ءبىزدىڭ مۇسىلمانشىلىق جولدا قازىپ بەرسە قالعانىن تۋىسقاندار وزدەرى كىرگىزىپ قويادى عوي ىشىنە، سوسىن اعايىندار ىشىنە توپىراق سالادى. بۇل كىسىلەر 55 مىڭدى بوستان بوسقا الىپ وتىر عوي. سوندا جاعدايى جوق ادام ءقابىردىڭ ىشىنە جاتا المايتىن بولىپ تۇر عوي، دەيدى مارقۇمنىڭ تۋىسقانى رىسبەك توقتاسىن ۇلى.
پىكىر قالدىرۋ