جۇڭگو «ءبىر بەلدەۋ، ءبىر جولدىڭ» قۇرىلىسى مەن دامۋىنىڭ بەيبىت جولىن ۇستانا بەرەتىن بولادى. بۇل تۋرالى بۇگىن 13-شاقىرىلعان تاريحي بۇكىلقىتاي حالىق وكىلدەرى قۇرىلتايى 1ء-شى سەسسياسىنىڭ جابىلۋىندا قحر ءتوراعاسى سي سزينپين ءمالىم ەتتى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. 

«قىتايدىڭ دامۋى قانداي دا ءبىر وزگە ەلدەرگە ءقاۋىپ توندىرمەيدى. جۇڭگو ەشقاشان گەگەمونياعا جانە ۇلعايۋعا ۇمتىلمايدى. باسقالاردى قورقىتۋعا ۇيرەنىپ قالعاندار عانا مۇنى ءقاۋىپ دەپ باعالايدى. ءساردايىم بەيبىت دامۋ جولىندا جۇرەدى جانە ءوزارا تيىمدىلىك پەن ۇتىلمايتىن ناتيجەنىڭ اشىق ستراتەگياسىن جۇزەگە اسىرادى. جۇڭگو حالىقارالىق ادىلەتتىلىك پەن اقيقاتتى بەلسەندى قولداي بەرمەك. جۇڭگو «ءبىر بەلدەۋ، ءبىر جول» باستاماسى قۇرىلىسىنا كومەكتەسۋدى جالعاستىراتىن بولادى»، — دەدى قىتايلىق كوشباسشى.