«بولاشاق» حالىقارالىق ستيپەندياسىن ىسكە اسىرۋ بويىنشا كەيبىر شارالار تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2018 جىلعى 6 ناۋرىزداعى № 86 بۇيرىعىنا سايكەس 2018 جىلعى «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ جانە كونكۋرستى وتكىزۋدىڭ كەلەسى مەرزىمدەرى بەكىتىلدى:

• قۇجاتتاردى قابىلداۋ – 2018 جىلعى 19 ناۋرىزدان باستاپ 31 تامىزعا دەيىن؛

• كونكۋرس وتكىزۋ – 2018 جىلعى 26 ​​ناۋرىزدان باستاپ 20 قازانعا دەيىن.

سونىمەن قاتار، وسى جىلى «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋعا قاتىستى نورماتيۆتىك قۇقىقتىق اكتىلەرگە ءبىرقاتار وزگەرتۋلەر مەن تولىقتىرۋلار ەنگىزىلەدى.

اتاپ ايتقاندا، قازىرگى ۋاقىتتا «ءوز بەتىنشە تۇسكەندەر» ساناتى ءۇشىن باكالاۆر/مامان ديپلومىنىڭ ورتاشا بالىنا قويىلاتىن تالاپتىڭ 3،0GPA-گە دەيىن (4.0/4.33-دەن) تومەندەۋىنە قاتىستى وزگەرىستەر ۇسىنىمى قاراستىرىلۋدا.

سونىمەن بىرگە، بۇرىن تاعايىندالعان ستيپەنديانى پايدالانباعان جانە وقۋعا نەمەسە تاعىلىمداماعا كىرىسپەگەن تۇلعالارعا، ورتالىق الدىندا بەرەشەگى بولماعان جاعدايدا، «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋعا ءبىر رەتتىك مۇمكىندىك بەرىلەدى.