حالىقتى قولجەتىمدى باسپانامەن قامتۋعا ارنالعان «7-20-25» باعدارلاماسىنىڭ شارتتارى ءالى دايىن ەمەس. دەگەنمەن، ارزان يپوتەكانىڭ شەكتى كولەمى بەلگىلەندى، دەپ xابارلايدى قازاقپارات.

ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆتىڭ ايتۋىنشا، جاڭا باعدارلاما بويىنشا استانا، الماتى، اتىراۋ مەن اقتاۋ قالالارى ءۇشىن ارزان يپوتەكانىڭ شەكتى مولشەرى 25 ملن تەڭگە بولادى. 

«باسقا قالالاردىڭ تۇرعىندارىنا 10 ملن تەڭگەگە دەيىن، ال ايماقتاردا 7 ملن تەڭگەگە دەيىن نەسيە بەرىلەدى. مىسالى، ءىرى قالالاردى الساق، 25 ملن تەڭگەگە ەكى بولمەلى پاتەردى الۋعا بولادى. باسپانانىڭ اۋدانى 70 شارشى مەتردەي. سوندا نەسيە العان ادام اي سايىن شامامەن 170 مىڭ تەڭگە تولەپ وتىرادى»، - دەدى و.سمولياكوۆ بۇگىن استانادا وتكەن باسپا ءسوز ءماسليxاتىندا. 

ونىڭ ايتۋىنشا، ءىرى قالالاردا ارزان يپوتەكانىڭ شەكتى مولشەرى 25 ملن تەڭگە بولسا، ونىڭ سىرتىندا تاعى 20 پروسەنتتىك العاشقى جارنا بار. سوندا استانا، الماتى، اتىراۋ مەن اقتاۋ قالالارىنىڭ تۇرعىنى 30 ملن-نىڭ پاتەرىن 7 پروسەنتتىك نەسيەگە الا الادى. بارلىق نەسيەلەر تەك تەڭگەمەن عانا بەرىلەدى.

«جالپى، باعدارلامانىڭ بارلىق شارتتارى ءالى پىسىقتالىپ جاتىر. مامىر ايىندا ءبىز ونىڭ ءبارىن ۇلتتىق بانكتىڭ قاۋلىسىمەن بەكىتەمىز. سوندا باعدارلامانىڭ ناقتى فورماسى بولادى. جوسپارعا سايكەس، ەكىنشى دەڭگەيلى بانكتەر ۇمىتكەرلەردى ىرىكتەپ، يپوتەكانى بەرەدى. ال جاڭا يپوتەكالىق كومپانيا ول نەسيەلەردى ساتىپ الادى. ءسويتىپ، يپوتەكانىڭ جىلدىق مولشەرلەمەسى 7 پروسەنتكە تومەندەيدى. ءدال وسىنداي جۇيەمەن بۇرىن قازاقستاننىڭ يپوتەكالىق كومپانياسى جۇمىس ىستەگەن. دەفولت بولسا، يپوتەكا بانككە قايتارىلادى. ول ءوز كەزەگىندە پروبلەمالىق نەسيەمەن جۇمىس ىستەيتىن بولادى. بۇرىن بىزدە يپوتەكا شەتەل ۆاليۋتاسىمەن بەرىلدى. ديەۆالۆاسيادان كەيىن تەڭگە باعامى وزگەرىپ، ۇلەسكەرلەرگە قوسىمشا سالماق ءتۇستى. ال جاڭا باعدارلاما بويىنشا بارلىق نەسيەلەر تەك تەڭگەمەن عانا بەرىلەدى»، - دەپ اتاپ كورسەتتى و.سمولياكوۆ.