سۋ مەن كارىز جۇيەسىنە تاريف ءوسىپ كەلەدى، دەپ حابارلايدى Qamshy.kz اقپارات اگەنتتىگى ranking.kz-كە سىلتەمە جاساپ. ىستىق سۋ بىردەن ايىنا 1،6% جانە جىلىنا 9،3% قىمباتتادى. 

سۋىق سۋ ايىنا 1،3% ءوستى جانە جىلىنا 3،3% قىمباتتادى.

كارىز جۇيەسىنە تاريف ايىنا 1،4%، جىلىنا 2،5% قىمباتتادى.  

بولاشاقتا باعا ءوسۋى مۇمكىن. قوستانايدا 1 ساۋىردەن باستاپ جاڭا تاريف جۇرەدى. تۇرعىندارعا تولەم 11%، ال زاڭدى تۇلعالارعا 26% كوتەرىلەدى. «قوستاناي سۋ» كومپانياسى سۋدىڭ قىمباتتاۋىن ەلەكتر توعىنىڭ قىمباتتاۋىمەن بايلانىستىرىپ وتىر.

2018 جىلدىڭ ناۋرىز ايىنان باستاپ جەكە ەسەپ قۇرالى جوق استانا تۇرعىندارى ءۇشىن سۋ باعاسى ەكى ەسە قىمباتتايدى.

بۇعان دەيىن تابيعي مونوپوليالاردى رەتتەۋ كوميتەتى مەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى 2018 جىلى 5 جىلعا ارنالعان شەكتى تاريفتەردى بەلگىلەۋ بويىنشا قازاقستاننىڭ 12 اۋماعىندا باعا وزگەرەتىنىن حابارلاعان. ولار: استانا، الماتى، اقمولا، اقتوبە، قوستاناي، شىعىس قازاقستان، باتىس قازاقستان، جامبىل، قاراعاندى، پاۆلودار، سولتۇستىك قازاقستان جانە وڭتۇستىك قازاقستان وبلىستارى.