باتىس قازاقستان وبلىسىندا 41 جاستاعى تۇرعىن كارىز قۇدىعىنا قۇلاپ، قايتىس بولدى. وقيعا 9 ساۋىردە تۇندە بولعان، دەپ حابارلايدى Qamshy.kz اقپارات اگەنتتىگى mgorod.kz سايتىنا سىلتەمە جاساپ.
اقجايىق اۋدانىنىڭ اكىمى ءادىل جولامانوۆتىڭ ايتۋىنشا، دالا قاراڭىع بولعاندىقتان ازاماتتىڭ كارىز قۇدىعىنا قالاي ءتۇسىپ كەتكەنىن ەشكىم كورمەگەن.
— ەر ادام كافەدەن شىعىپ، بەتى اعاش تاقتايشالارمەن جابىلعان كارىز قۇدىعىنا ءتۇسىپ كەتكەن. ءوزى ول جەردەن شىعا الماعان سوڭ، باتىپ كەتكەن"، – دەيدى اۋدان اكىمى.
الدىن الا مالىمەت بويىنشا، مارقۇم 1977 جىلى دۇنيەگە كەلگەن زەلەنوۆسكيي اۋدانىنىڭ تۇرعىنى.
