«قازاق ەلى-550 جىل» شىعارماشىلىق بايگەسىنە

   «...قازاق حاندىعىنىڭ قۇرىلۋى قازاقستان تاريحى ءۇشىن بەلسەندى كەزەڭ... بۇل وقيعانىڭ ساياسي ءھام قوعامدىق ءمان-ماڭىزى قازاق حاندىعىنىڭ ورتالىق ازياداعى تۇڭعىش ۇلتتىق مەملەكەت بولعاندىعىندا جاتىر».

ن.نازاربايەۆ

ەلباسىنىڭ «2015 جىلى قازاق حاندىعىنىڭ 550 جىلدىعىن تويلايمىز» دەگەن تاريحي ءسوزىن ەل جىلى قابىلدادى. تاريحي ورىندار مەن تاريحشىلار ورە تۇرەگەلىپ، بۇل باستاماعا ءوز قولداۋلارىن جەتكىزدى. ءتۇرلى ماقالالار مەن پىكىرلەر تاريحشىلار اراسىندا جەلدەي ەستى. ۇيىقتاپ جاتقان تاريحي داستاندارعا جان ءبىتىپ، زيالى تۇلعالاردىڭ ەسىمدەرى ءجيى ەستىلەتىن بولدى. وسىنداي باستامانىڭ تاريحي ءىسىن قولعا الىپ يگى باستاما باستاعان ەلباسىنىڭ ەستى ءسوزى تاريحشىلارعا دەم بەرىپ، قاناتتاندىرعانى تاعى بار. سوندىقتان ەل زيالىلارىنان بۇل تۋرالى پىكىرلەرىن سۇراپ، مامانداردىڭ باعاسىن بىلۋگە تىرىستىق. تاريحشىلار بۇل ويعا ءوز پىكىرلەرىن ايتسا، زيالىلار ەلباسىنىڭ باستاماسىنا دەگەن وڭ پىكىرلەرىن تومەندەگىدەي ورگەن بولاتىن.

بەيسەنبەكوۆا نۇرساحان احمەت قىزى،  قاراعاندى مەملەكەتتىك ۋنيۆەرسيتەتىنىڭ تاريح فاكۋلتەتىنىڭ پروفەسسورى:

«قازاق»  دەگەن اتاۋمەن تاريحقا شىققان قازاق حالقىنىڭ قۇرىلعان كەزىندە شىققان اتاۋعا بايلانىستى 465 جىلدى الىپ وتىر. شىندىعىندا قازاق مەملەكەتى دەگەن ۇعىم بار، جانە قازاق مەملەكەتتىگى دەگەن ۇعىم بار.  قازاق مەملەكەتى اتايتىن جەرى بىرىنشىدەن، ونىڭ تۇتاس تەريتورياسى بولۋى كەرەك. سول تەريتوريادا بەلگىلى ءبىر حالىق تۇرۋى كەرەك. وسى تۇرعىدان الساق قازاق تەرريتورياسى تەك قانا 465 جىلدارداعى اۋماقتى مەكەندەگەن حالىقتىڭ ارعى تاريحىن الاتىن بولساق ساقتاردىڭ، عۇنداردىڭ زامانىنان باستاپ ودان كەيىن XI عاسىرداعى تۇرىك قاعاناتىنان باستاعان اۋماقتاردىڭ بارلىعى قازاقتىڭ جەرى. سول ەتنوستاردىڭ ىشىنەن «قازاق»  دەگەن اتاۋمەن بەلگىلى بولدى. تاريحى ءبىر، مادەنيەتى ءبىر، ارمانى مەن  ءتىلى ءبىر تەريتورياسى ءبىر جەردى مەكەندەگەن قازاقتىڭ ارعى اتا باباسى دەپ قارايتىن بولساق، وندا بىزدە بەرىسىنەن قاراعاندا VI عاسىردان باستاۋ كەرەك. كەشەگى باتىس تۇرىك قاعاناتىنىڭ تەريتورياسى بۇل قازاق مەملەكەتىنىڭ العاشقى قالىپتاسۋ كەزەڭى. بۇگىنگى جاس ۇرپاق ءۇشىن، اسىرەسە تاۋەلسىزدىكپەن قاتار تۋعان جاس ورەندەر ءۇشىن نەمەسە سوناۋ 85 جىلعى تۋعان جاس ۇرپاق ءۇشىن كەرەك. ويتكەنى ونىڭ الدىنداعى ۇرپاق قازاق مەملەكەتىنىڭ بولعاندىعىن بىلەدى. باتىرلار جىرىن وقىپ وسكەن ۇرپاقتىڭ ساناسىندا قازاق مەملەكەتىنىڭ بولعاندىعى تۋرالى ماعۇلمات بار. ال 80ء-شى جىلدىڭ ورتاسىندا تۋعان ۇرپاقتا مۇنداي ماعۇلمات جوق. ءبىزدىڭ مەملەكەتتىگىمىزدىڭ تاريحىن تەرەڭنەن ءبىلۋ ءۇشىن «قازاق» دەگەن اتاۋدىڭ پايدا بولعان كەزىنەن باستاپ، تويلاعانىمىزدىڭ ءوزى نە ءۇشىن كەرەك؟ ءبىزدىڭ ەلدىگىمىزدى كورسەتۋ ءۇشىن، جەرىمىزدى قورعايتىن ۇرپاقتى تاربيەلەۋ ءۇشىن، دۇنيەجۇزىلىك وركەنيەتتەن الاتىن ءبىزدىڭ ورنىمىزدى كورسەتۋ كەرەك. دۇنيەجۇزىلىك ارەنادا «قازاق» دەگەن حالىقتىڭ سۋبەكتىلىك تانىلعاندىعىن ءبىلدىرۋ كەرەك. تۇلعالار ارقىلى تاريحتى تانىتۋ كەرەك. تاريحتىڭ قوزعاۋشى كۇشى حالىق  بولعانمەن، تاريحتىڭ دوڭگەلەگىن العا جىلجىتاتىن تاريحي  تۇلعالاردىڭ پەندەشىلىگىن ەمەس، جاسامپازدىعىن، باسقارۋشىلىعىن زەرتتەي وتىرىپ بۇگىنگى ۇرپاققا ءتۇسىندىرۋ كەرەك. سوندىقتان دا قازاق حاندىعى دەگەن ءسوزدى قازاق مەملەكەتى ماڭگىلىك ەل. قازاق حالقىنىڭ 550 جىلدىعى دەگەنىمىز قازاق مەملەكەتىنىڭ قۇرىلۋىنىڭ جاڭا كلاسسيكالىق ءداۋىرى. وعان دەيىن، قالىپتاسۋ، ەسەيۋ، دامۋ، گۇلدەنۋ كەزەڭى بولدى. تاۋەلسىز قازاقستان دەگەن مەملەكەت سول كلاسسيكالىق داۋىردەن كەيىنگى قۇلدىراپ، مىڭ ءولىپ، مىڭ تىرىلگەن مەملەكەتتى قايتادان جاڭا ساتىدا، جاڭا ساپادا، جاڭا داۋىردە قالپىنا كەلتىردى.

سۇلتان ورازالين، قر-نا ەڭبەك سىڭگەن مادەنيەت قايراتكەرى، جازۋشى، ءارى سىنشى:

ال ەلباسىنىڭ 550 جىلدىعىن تويلايمىز دەپ تاريحتى قوزعاۋىن دۇرىس دەپ ەسەپتەيمىن. ءبىز الداعى جىلدارى قازاق حاندىعىنىڭ 550 جىلدىعىن تويلايتىن بولساق، بۇل دا ءبىزدىڭ ۇلكەن بەلەسىمىز بولىپ سانالادى. ءقازىر دۇنيە ءجۇزىنىڭ كوپتەگەن ەلدەرىندە مۇراعاتتارىندا جاتقان  قازاق تاريحىنا بايلانىستى دەرەكتەردى  اكەلىپ، عىلىمي اينالىسقا ءتۇسىرىپ جاتىر. ول ءبىر عانا ۇرپاقتىڭ شارۋاسى ەمەس، بىرنەشە ۇرپاق قىزمەت ەتەتىن تاباندى تۇردە ۇنەمى ىستەلەتىن ءىس. سول سەبەپتى مەملەكەت تاراپىنان بۇل ىسكە قوزعاۋ سالىندى.  مەملەكەت باسشىسىنىڭ ءوزى ارالاستى. بۇل ۇلكەن ساياسي شەشىم. ال، اتالعان ساياسي شەشىمنەن كەيىن عۇلامالارىمىز باسقا دا ءىرىلى ۇساقتى قايراتكەرلەرىمىز، ءباسپاسوزىمىز بارلىعى دا وسىعان ات سالىساتىن بولسا ۇلكەن دۇنيەلەر جاسالىپ جاتسا كوركەم شىعارمالار تۋىلىپ جاتسا، عىلىمي زەرتتەۋلەر بولىپ جاتسا  مىنە،سول بۇكىل حالىقتىڭ ساناسىنا جەتەر ەدى دەپ ويلايمىن. سوندىقتان، مەنىڭ ۇعىمىمدا ءدال ۋاقىتىندا باستالعان  شارۋا دەپ ويلايمىن. ۇنەمى العا قاراۋ كەرەك. ءبىز وتە ۇلكەن مەملەكەتپىز. سول ءۇشىن ءبىز ارتتاعى كەمشىلىكتەردى عانا تەرە بەرمەي، العا ۇمتىلىپ، الدا جاسالار جۇمىسىمىزدى تياناقتى جاساي الاتىن بولساق كوپ جەرگە دەيىن باراتىن قۋاتى كۇشتى، بولاشاعى زور حالقىنىڭ دا جەرىنىڭ دە ىنتىماعى جاراسقان ءىرى مەملەكەت بولا الامىز.

اشىربەك سىعاي، تەاتر سىنشىسى، اۋدارماشى، پەداگوگ، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى،  قازاقستاننىڭ ەڭبەك سىڭىرگەن ونەر قايراتكەرى(25 قازان 2014 ج.):

ەندى ەل بولىپ، ەندى باس قۇراپ جاتىرمىز باسقا دا ماسەلەلەرىمىز شات ەتەكتەن بولدى. ءبىراق، قازاق حاندىعىنىڭ ءبىر تويلاناتىنىنا مەن ءوزىم يمانداي سەنىپ جۇرگەن اداممىن. قاي پاتشا قاي بيلىكتىڭ تۇسىندا بولماسىن ءبارىبىر ۇرپاق قايىرىلىپ ءبىر سوعاتىنىنا مەن ءوزىم سەندىم. بۇل مەنىڭ ساۋەگەيلىك ءسوزىم ەمەس، شىن ءسوزىم. ويتكەنى، مەملەكەتى بولماعان ونىڭ ىرگە تاسى بولماعان قانداي ەل بولادى ول؟ سوندىقتان، حاندىق دەگەن بۇل قازاق مەملەكەتىنىڭ ىرگە تاسىنىڭ دامۋىنا ۇلكەن اسەر ەتكەن ءبىر مەملەكەتتىك ينستيتۋت. ساياسي ينستيتۋت. ەلباسىنىڭ ءوزى باس بولىپ، ەشتەن كەش جاقسى دەپ، 550 جىلدىعىن تويلايىق دەگەن زاماندا شۇعىلش كىرىسىپ كەتۋىمىز كەرەك. قانداي ازامات قولىنان نە كەلەدى، سوعان تيگىزەتىن قانداي اسەرى بار سوعان كوشۋىمىز كەرەك. ءبىز مەملەكەتىمىزدىڭ وتانىمىزدىڭ ىرگەتاسىنىڭ قالانعانىنا 550 جىل دەگەن ءسوزدىڭ ءوزى نە تۇرادى؟ سول ءۇشىن مۇنىمەن ۇرپاق تاربيەلەيمىز. باسقا ەلدەرگە كورسەتەتىن ايباتىمىز، ايبىنىمىز. قازاق مەملەكەتى پالەنىنشى عاسىردا قۇرىلعان ەكەن دەگەن سوزگە تاريحي دالەلدەنگەن نارسە. بىزگە دەيىندە جازىلعان، ايتىلعان، وقىلعان، عاشىق بولعان، اجىراسقان، جاۋلاسقان، سوعىسقان. قاي نارسەدە دە بىزگە دەيىن ءبارى بولعان. سوندىقتان، بولعان نارسەلەردى بولدى دەپ ايتۋعا نەگە ءبىز جۇرەكسىنەمىز؟ سول سەبەپتى بۇل قازاق مەملەكەتىنىڭ مەرەي تويى  بۇكىل قازاق بالاسىنىڭ عانا ەمەس، پروگرەسيۆتى ويلايتىن وڭ وزگەرىستەرگە بۇيرەگى بۇراتىن ءاربىر ادامعا جىلى اسەر ەتۋى كەرەك دەپ ەسەپتەيمىن. قازاق حالقىن دوس سانايتىن، كەز كەلگەن ۇلت وكىلى وعان بىلەگىن سىلاپ كىرىسۋ كەرەك.

قويلىباي اسانوۆ، قاراعاندى مەملەكەتتىك ۋنيۆەرسيتەتىنىڭ جۋرناليستيكا كافەدراسىنىڭ اعا وقىتۋشىسى، فيلولوگيا عىلىمدارىنىڭ دوكتورى، پروفەسسور:

قازاق حالقىنىڭ تاريحى سوقپاقتى، سوقتىقپالى بولعانىن بىلەمىز. قازاق حالقىن مىڭ ءولىپ، مىڭ تىرىلگەن دەپ جاتادى. قازاق حاندىعىنىڭ 550 جىل تولۋىن اتاپ ءوتۋ تۋرالى ەلباسىنىڭ ۇسىنىسى تاۋەلسىز قازاقستان تاريحىنداعى، رۋحاني كەڭىستىگىندەگى ۇلكەن ءبىر ەلەۋلى دۇنيە دەپ باعالاۋعا بولادى. قازاق حالقىنىڭ تاريحى بار، قازاق مەملەكەتىنىڭ تاريحى بار عوي. وسىدان 550 جىل بۇرىن قازاق حاندىعى قۇرىلىپ، ونى كەرەي جانىبەك حاندارىنىڭ باستاۋىمەن قۇرىلعاندىعىن تاريحتان، ادەبيەتتەن اڭىز اڭگىمەلەردەن بىلەمىز. قازاق حالقىنىڭ تاعدىرلى تاريحى 550 جىلدىقپەن شەكتەلمەيتىنى جانە بەلگىلى. جەكە حاندىق بولىپ قۇرىلىپ، ورتا ازيادا تۇركى حالىقتارىنىڭ ورتاسىندا  جەكە ءوزىنىڭ ەنشىسىن الىپ، قازاق حاندىعىنىڭ قۇرىلۋى ول دا ۇلكەن تاريحي وقيعا. قازىرگى كەزدە بۇكىل ب ا ق بولسىن قوعامدىق پىكىرلەردىڭ اراسىندا ەستىلىپ جاتادى. قازاق حالقىنىڭ ءوزىنىڭ مەملەكەتى بولماعان، شەكاراسى، استاناسى  بولماعان دەگەن سەكىلدى سوزدەرگە ناعىز تاريحي جاۋاپ دەپ ويلايمىن.  ويتكەنى، وسىنشاما ۇلانعايىر اسپاننىڭ استى جەردىڭ ءۇستىن مەكەندەگەن  ادامزات تاريحىندا «قازاقيا» ەلى «قازاقيا» مەملەكەتى جەر كولەمى جاعىنان 9-شى ورىندا تۇرۋىنىڭ ءوزى كوپ سىردى اڭعارتسا كەرەك. كوپ دۇيەگە بارماي-اق  قازاق حالقىنىڭ ەجەلدەن جاۋىنگەر، باتىر، دانا، بولعاندىعىن تانۋعا بولادى. قازاق مەملەكەتىنىڭ 550 جىلدىعىندا ەڭ ءبىرىنشى اتاپ ايتاتىن قاسىم جانە جانىبەكتەر باستاعان ۇلى مۇراتتى ءوزىنىڭ دىتتەگەن ماقساتىنا جەتكىزگەن ول – ابىلاي حان. بۇگىندە تاۋەلسىزدىككە ازاتتىققا جەتكىزگەن الاش حالقىنا اللانىڭ مەيرىمى تۇسكەن كۇن دەپ باعالايمىن. كەشەگى ابىلاي ونىڭ ءىسىن جالعاستىرعان كەنەراسى ناۋرىزبايلاردىڭ دا ەڭبەگىن، ەرلىگىن ەلى مەن جەرى ءۇشىن وسى قازاق ساحاراسىندا جورىققان قازاق حاندىعىن ساقتاپ قالۋ جولىنداعى ەڭبەكتەرىن ايتپاي كەتۋگە بولمايدى. سول مۇرات اراعا عاسىر سالماي-اق تاۋەلسىزدىكپەن جالعاستى. كەشەگى الاش زيالىلارىنىڭ كوزىن كورگەن ءبىزدىڭ زيالى قايىم ولاردى ۇمىتقان جوق. بۇگىنگى تاۋەلسىز قازاقستاننىڭ باياندى باقىتتى بولاشاعى الاش زيالىلارىنىڭ اسىل ارمانىنىڭ ءۇمىت قۋاتىمەن جاندانىپ جاسامپاز بولىپ كەلە جاتىر دەپ ايتۋعا بولادى. ارينە وتكەنگە ەشقاشاندا توپىراق شاشۋعا بولمايدى. بارلىعى دا تاۋەلسىز الاش ەلىنىڭ اسپانىندا اياق استىنان بولا قالدى دەۋ دۇرىس ەمەس، ولاردىڭ بارلىعى دا عاسىرلار قويناۋىندا جاتقان كەشەگى اتا-بابالارىمىزدىڭ اسىل مۇراتى اڭسارى وسىنىڭ بارلىعى ۇزبەي ساباقتاسىپ وتىرىپ، بۇگىنگى تاۋەلسىز ەلدىڭ ساناسىنا، جاس ۇرپاقتىڭ جۇرەگىنە ءسىڭىپ دارىعان قاسيەت دەپ ويلايمىن. سوندىقتان دا قازاق مەملەكەتىنىڭ 550 جىلدىعىن رەسمي تۇردە اتاپ ءوتۋ ءبىزدىڭ ىرگەمىزدىڭ بەكي تۇسۋىنە باقىتتى، باياندى ىنتىماعىمىزدىڭ ودان ءارى وركەنداي تۇسۋىنە ۇلكەن سەبەپكەر بولادى. شىن مانىندە بۇگىنگى ۇرپاق ءوزىنىڭ قانداي ەلدە، قانداي جەردە تۋىپ وسكەندىگىن، ءوز اتا-بابالارى قانداي دارەجەدە بولعاندىعىن ءتۇيسىنىپ ءوسۋى  شارت. قازاق حاندىعىنىڭ 550 جىلدىعىن ەلباسىمىز ن.ءا.نازاربايەۆ تاۋەلسىزدىكتىڭ كەمەل شاعىندا ايتقان جاس ۇرپاقتىڭ ساناسىنا سىڭىرۋگە باعىتتاعان كەلەلى ۇسىنىسى دەپ قابىلدايمىن.

ەرلان تولەۋتاي، ونەرتانۋشى، كينودراماتۋرگ:

تاريحي مەرەكەنى تويلاۋ، وتە ماڭىزدى مەرەكەلەردىڭ ءبىرى دەپ ويلايمىن. بۇل ءبىزدىڭ كوپتەن كۇتكەن قۋانىشىمىز. قازاق حاندىعىن تويلاۋ سياقتى ۇلكەن باستاما بۇرىن-سوڭدى كوتەرىلىپ كورگەن جوق. بۇل ەلباسىنىڭ سوڭعى جىلدارداعى جاساعان ىزگىلىكتى ءىسى بولدى دەپ ايتۋعا بولادى. جاقسىندا وسى ۇلىتاۋ جەرىنە بارىپ ۇلكەن فيلم تۇسىردىك. ەلباسى ءوزى ايتقانداي قازاقستان تاريحى  سونداۋ عۇنداردان باستالادى دەپ. راسىمەن دە، سوناۋ عۇن زامانىنىڭ ىزدەرى، ودان ارعى زاماننىڭ ىزدەرى ۇلىتاۋدا سايراپ جاتىر. ءبىز شىنىندا دا كوشپەلىلەردىڭ كونە تاريحىنىڭ بارلىق جولدارى ۇلىتاۋعا باراتىنىن بايقايمىز. سوندىقتان ەلباسىنىڭ تاريحي وقيعانى كوتەرۋى قالىڭ بۇقارانىڭ ساناسىن وياتتى. كورشىلەر ەلدەگىلەر كەيدە كوز الارتادى عوي. قازاق مال باققان ەل، مەملەكەتى بولماعان ەل»  دەپ. سولارعا تويتارىس بەردى دەپ ويلايمىن. وسىنداي باستامادان كەيىن قانشاما تاريحشىلارعا قانات ءبىتىپ، قانشاما زەرتتەۋلەر جاسالىپ جاتىر. ويتكەنى، تاريحىن زەرتتەمەيتىن، دارىپتەمەيتىن مەملەكەت بولمايدى. ەلباسىنىڭ ناقتىلى وسى دۇنيەگە تولعانى حالىققا ۇلكەن ءبىر يمپۋلس بەرەدى. تاريح سالاسىندا جۇرگەن جانداردىڭ ءىسىن العا باسۋىنا سەبەپ بولىپ قاناتتاندىرادى.

550 جىلدىعى ماعان بۇرىن باستالعان بولىپ كورىنەدى. مادەني مۇرا باعدارلاماسىنىڭ جالعاسى ىسپەتتى. ەلباسى وسى مەرەكەنىڭ ماڭىزدىلىعىن ايتىپ ءدال كەزىندە كوتەرىلگەن باستاما دەپ ويلايمىن. سوندىقتان، بۇل مەرەكە كەڭ كولەمدە ەڭ ۇلكەن ماسشتابتا اتالسا ەكەن دەگەن كوڭىلىمىز بار.

ەكونوميكالىق قيىندىقتاردا توي جاساۋ وڭاي ەمەس. بۇل مەرەكە تەك ءىشىپ جەيتىن توي بولماسا ەكەن. قازاق ساناسىن وياتاتىن، قازاققا ءبىر رۋح سىيلايتىن مەرەكە بولسا ەكەن دەپ ويلايمىز. وسىنىڭ نەگىزىندە اعارتۋشىلىق باعىتتاعى فيلمدەر تۇسىرىلسە، تاريحي كىتاپتار جازىلسا، راديو، تەلە حابارلار ۇيىمداستىرىلسا، باسپا ءسوز دەرەكتەرى ۇلكەن دەرەكتە اقپارات تاراتىپ وتىرسا، جالپى بۇقاراعا ارنالعان توي بولسا دەگەن نيەت بار. بۇل توي حالىققا جەتۋ كەرەك. بۇل توي تەك استانا ماڭىزدا عانا قالىپ قويماي، ۇلى توي قالىڭ بۇقارانىڭ قۋانىشىنا اينالۋ كەرەك. استانادان باستاپ، ءار اۋىلداعى قىستاققا دەيىنگى ءبىزدىڭ حالىق سەزىنۋ كەرەك. قازاق حاندىعىنا، ۇلى مەملەكەت بولعانىمىزعا  550 جىل بولدى دەپ بارلىق قازاقتىڭ كەۋدەسىن، اسىرەسە جاستاردىڭ پاتريوتتىق ماقتانىش كەرنەسە ناعىز تويدىڭ دىتتەگەن ماقساتىنا جەتتى دەگەن ءسوز.

بىرەۋلەرگە 550 جىلدىق توي از بولىپ كورىنۋى مۇمكىن. ال شىن مانىندە بۇل ۇلكەن ۇلى تاريح. رەسەيدىڭ دە مەملەكەتتىك تاريحى 100 جىلدان كەيىن باستالادى. رومانوۆتاردىڭ بيلىككە كەلۋى. رەسەيدىڭ ءبىرتۇتاس مەملەكەت بولۋى. وعان دەيىن ولار كنيازدىق بولدى. ال قازاق ولاردان بۇرىن پايدا بولدى. ارينە، قازاق حاندىعىنىڭ الدىندا بىزدەردە بىرنەشە مەملەكەت بولدى. ۇلى كوكتۇرىكتەر يمپەرياسىنىڭ بولعانى، عۇندار مەن قارلىقتار ءداۋىرى، وعى، قىپشاق ءداۋىرى مۇنىڭ ءبىرى مەملەكەت بولىپ ەستەپتەلەدى. بۇل مەملەكەتتەردىڭ ءوز ورنى بولدى. سول ۇلى بابالارىمىزدىڭ ورناتقان مەملەكەتتەرى جەر بەتىندە سايراپ جاتىر.  ارينە، قازاق حاندىعى سوقتىقپالى، سوقپالى جول كەشتى. قۇلاعان كەزى مەن بوداندىققا تۇسكەن كەزى بولدى. ءبىراق، مىنە ءتاڭىردىڭ كوزى ءتۇسۋ بولىپ ءبىز تاۋەلسىزدىك الدىق. سول تاۋەلسىزدىك ءبىزدى ۇلى ماقساتتار مەن ارماندارعا جەتەلەپ وتىر. سونىڭ ءبىرى – ەلباسىنىڭ ۇلىتاۋ تورىندە بەرگەن سۇحباتى. قازاق حاندىعىنىڭ 550 جىلدىعىن تويلايمىز دەگەن دۋالى ءسوزى بۇكىل حالىقتىڭ جۇرەگىندە ۇلكەن  ءۇمىت ۇيالاتتى.

داريا ساعىندىق قىزى