قازاقتىڭ كاسىپقوي بوكسشىسى قانات يسلام الداعى كەزدەسۋلەرگە كيىپ شىعاتىن شاپانىن تانىستىردى، دەپ حابارلايدى alaman.kz.

قارا شاپانعا كوك ءتۇستى جولاق ەنگىزىلىپ، وعان قازاقستان تۋىنىڭ شەتىندەگى تۋلار سالىنعان. ارقاسىنا Kanat Islam دەگەن جازۋ جازىلىپ، كوك ءبورىنىڭ سۋرەتى سالىنعان.

ەسكە سالا كەتەيىك، شارشى الاڭعا شاپان كيىپ شىعۋدى گەنناديي گولوۆكين داستۇرگە اينالدىرعان بولاتىن.

قانات يسلام كەلەسى كەزدەسۋىن ناۋرىز سوڭىندا كولۋمبيادا وتكىزەدى. وسىعان دەيىن 1 ناۋرىزدا ماسكەۋدە ارگەنتينالىق گۋيدو نيكولاس پيتتومەن كەزدەسەتىنى تۋرالى حابار تاراعان. كەيىن بۇل كەزدەسۋ بولمايتىنى حابارلانعان.

قىتايدا تۋعان ەتنيكالىق قازاق قانات يسلام 2008 جىلى بەيجىڭ وليمپياداسىنا سول ەلدىڭ اتىنان قاتىسىپ، قولا جۇلدە يەلەنگەن.

ول 2010 جىلى قازاقستان ازاماتتىعىن الىپ، "استانا ارلاندارى" كلۋبىندا بوكستاسىپ ءجۇردى. بوكسشى 2012 جىلى لوندون وليمپياداسىنا اتاجۇرتىنىڭ اتىنان قاتىسۋىنا بايلانىستى ازاماتتىق-قۇقىقتىق داۋ تۋعان سوڭ كاسىپقوي بوكسقا بەت بۇرىپ، اقش-قا كەتكەن.