2018 جىلدىڭ قاڭتار-ناۋرىز ارالىعىندا قارجى اۋدارۋ جۇيەسى ارقىلى شەتەلگە 113،4 ميلليارد تەڭگە جىبەرىلدى. بۇل 2017 جىلمەن سالىستىرعاندا 36،4% كوپ.  ال شەتەلدەن قازاقستانعا كەلگەن قارجى اۋدارىمدارى تەك 5،9% عانا ءوسىپ، 59،6 ميلليارد تەڭگەنى قۇرادى، دەپ جازادى Qamshy.kz اقپارات اگەنتتىگى ranking.kz-كە سىلتەمە جاساپ. 

اقشا كوپ جىبەرىلگەن ەل – رەسەي. كورشى ەلگە 50 ميلليارد تەڭگە اۋدارىلعان. بۇل 2017 جىلمەن سالىستىرعاندا 30،1% كوپ. ال رەسەيدىڭ ۇلەسى 46،2%-دان 44،1% ازايعان.

ەكىنشى ورىندا – تۇركيا. تۇركياعا جىبەرىلەتىن قارجى كولەمى ەكى ەسەگە وسكەن. تۇركيانىڭ ۇلەسى 7،8%-دان 11،4% وسكەن.

12،4 ميلليارد تەڭگە اۋدارىممەن  وزبەكستان جانە  12،3 ميلليارد تەڭگەمەن قىرعىزستان ءۇشىنشى ورىنعا جايعاستى.

شەتەلدەن كەلىپ تۇسكەن اقشانىڭ سومماسى بويىنشا دا رەسەي كوش باستاپ تۇر. بيىل قازاقستانعا رەسەيدەن 26،4 ميلليارد تەڭگە اۋدارىلعان. بۇل بىلتىرعى جىلمەن سالىستىرعاندا 10،7% از. ۇلەس س 52،7%-دان 44،4% دەيىن قىسقاردى.

ەكىنشى ورىندا – وڭتۇستىك كورەيا. اتالمىش ەلدەن قازاقستانعا 8،7 ميلليارد تەڭگە اۋدارىلدى.

كوشباسشى ۇشتىكتى قىرعىزستان ءتامامدايدى. كورشى ەلدەن قازاقستانعا 6،1 ميلليارد تەڭگە اۋدارىلدى.