استانا اكىمى اسەت يسەكەشوۆ جاياۋ جۇرگىنشىلەر جولاعىن كۇندىز بوياۋعا قارسى بولعان Facebook قولدانۋشىسىنىڭ نارازىلىعىنا جاۋاپ بەردى، دەپ حابارلايدى Qamshy.kz اقپارات اگەنتتىگى. 

جەلىدەگى «استانا – كىم؟ قايدا؟ قاشان؟» توبىنىڭ مۇشەسى جاياۋ جۇرگىنشىلەر جولاعىن كۇندىزگى ۋاقىتتا بوياپ، جولدا كەپتەلىس تۋدىرعان جۇمىسشىلارعا شاعىمدانعان.

«قۇرمەتتى استانا قالاسىنىڭ اكىمشىلىگى، جولاقتاردى الماتىداعىداي تۇندە بوياۋعا بولماي ما؟ مىندەتتى تۇردە ونسىز دا كەپتەلىستەن ابىر-سابىر بولىپ جاتاتىن كۇندىزگى ۋاقىتتا جاساۋ كەرەك پە؟»، - دەپ جازدى ول.

شاھار باسشىسى جاۋاپتى كەشىكتىرمەي، بولعان جايدى ءتۇسىندىرىپ بەردى.

«جولداعى جولاقتاردى بوياۋ اۋا رايىنىڭ قولايسىزدىعىنان كەشىكتىرىلىپ جاتىر. بوياۋ جۇمىستارىن جۇرگىزۋ ءۇشىن اۋا تەمپەراتۋراسى +15 گرادۋس بولۋى ءتيىس. الداعى كۇندەرى اۋا رايى تۇزەلگەندە كۇندىز دە، تۇندە دە جۇمىس جاسايتىن بولامىز. قولايسىزدىق ءۇشىن كەشىرىم سۇرايمىز. سونىمەن قاتار جولدى جوندەۋ جۇمىستارى باستالادى»،- دەپ جاۋاپ بەردى قالا اكىمى.

جەلى قولدانۋشىلارى اكىمگە جەدەل جاۋابى مەن جەكە سۇراققا نازار اۋدارعانى ءۇشىن العىس ايتتى.