جۇزدەگەن ادام تاڭ ەرتەڭ گرۋزيانىڭ پارلامەنت عيماراتىنىڭ الدىنا جينالدى، دەپ حابارلايدى Qamshy.kz اقپارات اگەنتتىگى.

ءبىر توپ ادام گرۋزيانىڭ ىشكى ىستەر مينيسترلىگى تبيليسيدەگى ادام كوپ كەلەتىن تۇنگى كلۋبتاردا جۇرگىزگەن ارنايى وپەراسياسىنا نارازىلىقتارىن ءبىلدىردى.

ميتينگ ءوتىپ جاتقان جەردى پوليسيا قورشاۋعا الدى. پوليسيا اكسياعا قاتىسۋشىلاردى ۇستاپ جاتىر. پوليسيا بولىمشەسىنە جەتكىزىلگەندەردىڭ ءبىرى – گرۋزيانىڭ پرەزيدەنتتىك سايلاۋىنا تۇسۋگە نيەتتى ەكەنىن ايتقان «گيرچي – جاڭا ساياسي ورتا» پارتياسىنىڭ باسشىسى زۋراب دجاپاريدزە.

تۇندە تۇنگى كلۋبتا جۇرگىزىلگەن ارنايى وپەراسيانىڭ ناتيجەسىندە 35 ادام ۇستالعان. ولاردىڭ اراسىندا اقش پەن بريتانيا ازاماتتارى بار. ارنايى وپەراسيا ەسىرتكى ساۋدالايتىنداردى ۇستاۋ ماقساتىندا جۇرگىزىلگەن. تۇنگى بىردە "باسcياني" (Bassiani)  جانە "گالەري" كلۋبتارىندا ارنايى وپەراسيا جۇرگىزىلگەن.

پوليسيانىڭ مالىمەتىنشە، ارنايى وپەراسيا سوت شەشىمىنە سايكەس جۇرگىزىلدى. سونىڭ ناتيجەسىندە ەسىرتكى ساۋداسىمەن اينالىسقان 8 ادام ۇستالدى.

كلۋب قوناقتارى پوليسيانىڭ ارەكەتىنە قارسى شىعىپ، پوليسيانى بالاعاتتاعان. ولاردىڭ جارتىسىن پوليسيا ۇستادى. ولاردىڭ اراسىندا "باسcياني" كلۋبىنىڭ يەسى زۆياد گەلباحياني دە بار ەكەنى انىقتالدى.

كلۋبتا ساتىلعان ەسىرتكىدەن 5 ادام قايتىس بولعان. سەگىز ادام اۋرۋحاناعا تۇسكەن. گرۋزيانىڭ ءىىم ءالى ساراپتاما ناتيجەسىن جاريالامادى.